සණස ලයිෆ් ඉන්ෂුවරන්ස් සමාගමෙන් වෙසක් සැරසිලි සහ දන්සල් රැසක් | දිනමිණ

සණස ලයිෆ් ඉන්ෂුවරන්ස් සමාගමෙන් වෙසක් සැරසිලි සහ දන්සල් රැසක්

 

 


බුදුරජාණන් වහන්සේගේ තෙමඟුල සිහි කෙරෙන වෙසක් පොහොය සැමරීම නිමිත්තෙන් ශ්‍රී ලංකාවේ රක්ෂණ ක්ෂේත්‍රයේ ප්‍රමුඛතම සමාගමක් මෙන්ම ප්‍රජා සත්කාර කටයුතුවල ඉදිරියෙන්ම සිටින සමාගමක් වන සණස ලයිෆ් ඉන්ෂුවරන්ස් සමාගමේ ප්‍රධාන කාර්යාලය ඇතුළු ශාඛා මට්ටමින් වෙසක් සැරසිලි සහ දන්සල් රැසක් සංවිධානය කර තිබිණි.

මැයි මස 4 වැනි දා පටන් 8 වැනි දා දක්වා මාවනැල්ල, කුලියාපිටිය, හලාවත, කොට්ටාව සහ මාතර යන ප්‍රදේශවල ශාඛා මට්ටමින් දන්සල් මාලාවක් ක්‍රියාත්මක වූ අතර ඊට සමගාමිව වාර්ෂිකව සංවිධාන කරන එකම වර්ණයේ වෙසක් සැරසිලිවලින් දිවයිනේ සෑම ශාඛාවක්ව විචිත්‍රවත් කිරීමේ වැඩසටහනද ක්‍රියාත්මක විය. එහි ප්‍රධාන වැඩසටහන මැයි මස 8 වැනි දා සණස ලයිෆ් ඉන්ෂුවරන්ස් සමාගමේ කොල්ලුපිටියේ පිහිටි ප්‍රධාන කාර්යාල පරිශ්‍රයේදී පැවැත්වූ අතර එහිදි ප්‍රධාන කාර්යාලය විසින් සෞඛ්‍යාරක්ෂිතව මඤ්ඤොක්කා දන්සලක්ද සංවිධාන කරනු ලැබ තිබිණි. ඒ සඳහා විශාල පිරිසක් සහභාගී වූහ.

කොවිඩ් වසංගත තත්ත්වය හමුවේ වසර තුනක් අඛණ්ඩව වෙසක් උත්සවය විචිත්‍රවත් ලෙස පැවැත්වීමට නොහැකි වූ නිසා මෙවර වෙසක් උත්සවය ඉතා ඉහළින් සංවිධානය කිරීමට කටයුතු යොදා තිබිණි. ඒ සඳහා සණස ලයිෆ් ඉන්ෂුවරන්ස් කාර්ය මණ්ඩලය විසින් ඉහළ දායකත්වයක් සපයන ලදි.

 

නව අදහස දක්වන්න