♣ අධ්‍යාපන ලොක්කෝ සෙනසුරාදාත් වැඩ ♣ ප්‍රතිඵල නැවත සමීක්‍ෂණයෙන් ඉසෙඩ් අගය වෙනස් වෙනවා ♣ නව විභාග කොමසාරිස් පුෂ්පකුමාර ♣ උසස් පෙළ ප්‍රතිඵල ගැන සෙවීමට විශේෂ විමර්ශන කමිටුවක් ♣ සිංහල පිළිතුරු පත්‍ර එදිනම ඇගැයීම් මධ්‍යස්ථානයට භාර දුන්නා ♣ ප්‍රශ්න පත්‍ර හමුවුණේ කුණු බක්කියෙන් නොවේ ♣ උසස් පෙළ විශිෂ්ටයෝ ♣ කුණු කූඩෙන් හමු වූ උත්තර පත්‍ර දෙකේ හිමිකාරියන් හෙළි වේ ♣ ප්‍රතිඵල සැක නම් උත්තර පත්‍ර නැවත පරීක්ෂා කළ හැකියි ♣ සැකයේත් අවිශ්වාසයේත් වගකීම කොමසාරිස්ට ♣ තවත් ජාත්‍යන්තර කුමන්ත්‍රණයක් ♣ උසස් පෙළ විශිෂ්ටයෝ ♣ ඊළඟ කොටස . . . . .

2012-01-09

අධ්‍යාපන ලොක්කෝ සෙනසුරාදාත් වැඩ

ඕ.ටී නෑ; වෙන දීමනාත් නෑ

සුභාෂිනි සේනානායක

සෑම සෙනසුරාදාවකම සේවයට පැමිණීමට අධ්‍යාපන අමාත්‍යාංශයේ නිලධාරීන් තීරණය කර තිබේ.

දැනුම කේන්ද්‍රීය කරගත් පාසල් පද්ධතියක් ඇති කිරීමට මේ තීරණය ගෙන ඇත. සෙනසුරාදා වැඩ කිරීමට අතිකාල දීමනා හෝ වෙනත් මූල්‍ය ලාභ මේ වෙනුවෙන් ලබා නොගැනීමට ද ඔවුන් තීරණය කර තිබේ.

උසස් නිලධාරීන් මෙවැනි තීරණයක් ගෙන ඇත්තේ 2012 වසරේ නිර්මාණය කරන පාසල් 6000 වෙනුවෙන් වැඩිපුර කැපවීමක් සිදු කිරීමට බව අධ්‍යාපන ඇමැති බන්දුල ගුණවර්ධන මහතා පැවසීය.

අධ්‍යාපන අමාත්‍යාංශයේ නිලධාරීන්ගේ මෙම තීරණය අනිකුත් රාජ්‍ය ආයතනවලට ආදර්ශයක් බව ද ඇමැතිවරයා කියා සිටියේ ය. හෝමාගම මහින්ද රාජපක්‍ෂ විදුහලේ ඉගැන්වීම් කටයුතු පස්වරු 3.30 දක්වා සිදු කෙරේ. තවත් පාසල් ගණනාවක් සවස් වන තුරු ඉගැන්වීම් සිදුකිරීමට ද අනුමැතිය ඉල්ලා තිබේ.

මෙම විදුහල්වල විදුහල්පතිවරුන්, ගුරුවරුන් මෙම කැපවීම් කරන්නේ දරුවන්ගේ අනාගතය යහපත් කිරීමට බව අවධාරණය කරන ඇමැතිවරයා, කිසිදු ගෙවීමක් නොලබා මෙම අතිරේක සේවාව ගරු සේවාවක් පමණක් බව ද කීය.