♣ මෙරට හාල්වල ආසනික් නෑ ♣ පරීක්‍ෂණවලට පෙර නිගමනය කැලණි සරසවියට අවමානයක් ♣ ආසනික් කතාව බොරුවක් ජනතාව මුලාකරන කුමන්ත්‍රණයක් ♣ ආසනික් ‘ඩබල් බ්ලයින්ඩ් ටෙස්ට්’ පර්යේෂණය සිදුකිරීමට විද්වතුන් එකඟකර ගැනීමට නොහැකි වෙලා ♣ ආසනික් ගැන මත පළ කරන දෙපාර්ශ්වය අතර සංවාදයකට ඉඩ ♣ ‘ආසනික්’ ඇත-නැත කියන දෙපිරිසම කැඳවා පරීක්ෂණයකින් ඔප්පු කරන්නැයි කියන්න ♣ ආසනික් කුමන්ත්‍රණයට බහුජාතික කොම්පැනිත් ♣ මෙරට හාල්වල ආසනික් නෑ ♣ ආසනික් ඇති පළිබෝධ නාශක බෙදා හැරීම අත්හිටුවීමට පියවර

2011-07-04

වසර 35ක පරීක්ෂණයක් හෙළිකරයි

මෙරට හාල්වල ආසනික් නෑ

පේරාදෙණිය භූවිද්‍යා අංශය

අසේල කුරුළුවංශ

ශරීරයට අහිතකර මට්ටමින් ආසනික් හෝ වෙනත් බැර ලෝහ මෙරට සහල්වල නොමැති බව පේරාදෙණිය විශ්වවිද්‍යාලයේ භූවිද්‍යා අංශය මගින් කළ පර්යේෂණ මගින් තහවුරුවී ඇත.

සහල්, කුඹුරු ආශි‍්‍රත පස් හා වියළි කලාපයේ ජල සාම්පල ගෙන සිදු කළ පර්යේෂණ ගණනාවකින් මේ බව තහවුරු වූ බව පේරාදෙණිය විශ්වවිද්‍යාලයේ භූ විද්‍යා අංශයේ මහාචාර්ය අතුල සේනාරත්න මහතා පවසයි. ලෝක සෞඛ්‍ය සංවිධානයේ සම්මතයන්ට අනුව ඕනෑම ආහාර ද්‍රව්‍යයක ආසනික් බැර ලෝහය අඩංගුවන්නේ නම් එය කිලෝග්රෑමයකට මයික්‍රොග්රෑම් 10ට වඩා අඩුවිය යුතු බවත් ශ්‍රී ලංකාවේ කිසිදු ප්‍රදේශයකින් එම අගයට වඩා ඉහළ අගයක් සහිත ආහාර ද්‍රව්‍ය හෝ ජලය හමු නොවූ බවත් ඒ මහතා කීය.

පේරාදෙණිය විශ්වවිද්‍යාලයේ භූවිද්‍යා අංශය මගින් දැනට වසර 35ක පමණ සිට අදාළ පරීක්‍ෂණ සිදුකරන බවත් මේ නිසා සහල් පරිභෝජනය කිරීමට ජනතාව අනියත බියක් ඇතිකර නොගත යුතු බවත් සේනාරත්න මහතා පවසයි.