"අහන්න, පාසල් දරුවන්ටත් පවත්වන්න": බිබිල ගැමියෙක් | දිනමිණ

"අහන්න, පාසල් දරුවන්ටත් පවත්වන්න": බිබිල ගැමියෙක්

විමුක්ති දුෂාන්ත
නිරෝශන් හර්ශන

එකම ශ්‍රී ලාංකික ජාතියක් ලෙස නැගී සිටීමට අපේක්ෂාවෙන් ක්‍රියාත්මක කරන "අහන්න" වැඩසටහන අද  උදෑසන 10.00 ට බිබිල - විජයමුණි සොයිසා සංස්කෘතික මධ්‍යස්ථානයේ දී සහ හවස 3.00 ට අම්බලන්තොට - අල් අක්බාර් මහා විද්‍යාලයේ දී  පැවැත්විණි.

එම වැඩසටහනේ විශේෂ අංගයක් වන ජනතා අදහස් දැක්වීමේ අවස්ථාවේ දී බිබිල ප්‍රදේශවාසියෙක් වන එම්. අබේරත්න මහතා අදහස් දක්වමින් ඉල්ලා සිටියේ 'අහන්න' වැඩසටහන පාසල් දරුවන් වෙනුවෙන් ද පවත්වන ලෙසයි. 
 
ඒ වගේ ම සියළු දෙනා එක සමානව, සියළු දෙනාගේ ලේ එකයි කියලා හිතාගෙන ජීවත් විය යුතු බවත් අබේරත්න මහතා තම අදහස් දැක්වීමේ දී වැඩිදුරටත් පැවසීය.
 
මේ වන විට ඉහළ ජනතා සහභාගීත්වයක් සහිතව දිවයිනේ ප්‍රදේශ රැසක් ආවරණය කරමින් සාර්ථකව ක්‍රියාත්මක වෙමින් පවතින මෙම වැඩසටහන හෙට (26)  සවස 3.00 ට සූරියවැව - ජීවනී ක්‍රීඩාංගනයේ දී සහ සවස 3.30 ට මැදගොඩ- නක්කලගොඩ ක්‍රීඩාංගනයේ දී පැවැත්වේ.
 
[විමුක්ති දුෂාන්ත]   [නිරෝශන් හර්ශන]

නව අදහස දක්වන්න

Or log in with...