Thursday, මැයි 28, 2020 - 13:32
රජය විසින් සීෂෙල්ස් රාජ්‍යයේ සිටින ශ්‍රී ලාංකිකයන් හැකි ඉක්මණින් දිවයිනට ගෙන්වා ගන්නා බව විදේශ සබඳතා අමාත්‍යංශය පවසයි.
අමාත්‍යංශය නිකුත් කල නිවේදනයක දැක්වෙන්නේ මෙරට දැනට ක්‍රියාත්මක රෙගුලාසි සහ නිරෝධායන මධ්‍යස්ථාන පහසුකම් සැළකිල්ලට ගෙන එම පියවර ගන්නා බවයි.
සීෂෙල්ස් හි ශ්‍රී ලංකා මහ කොමසාරිස් කාර්යාලය විසින් මේ වනවිට එරට සිටින ශ්‍රී ලාංකිකයන් ලියාපදිංචි කර ගැනීම අඛණ්ඩව සිදුකරනු ලබයි.
පසුගිය අප්‍රේල් 6 වනදායින් පසු මේ දක්වා එරටින් කිසිදු කොවිඞ්-19 රෝගියෙකු වාර්තා වි නොමැති අතර මැයි 11 වනදා සිට මේ දක්වා ප්‍රතිකාර ලබමින් සිටින්නේද එක් ආසාධිතයෙකු පමණි.
සීෂෙල්ස් රාජ්‍යයෙන් සටහන් වන මුලු කොරෝනා ආසාධිතයන් ගණන 11 කි.
නව අදහස දක්වන්න