ඇප නියම වූ සිරිධම්ම හිමි යළි රිමාන්ඩ්

කොළඹ මහෙස්ත්‍රාත් අධිකරණයෙන් අද (23) ඇප නියම වූ ගල්වැව සිරිධම්ම හිමියන්ව කඩුවෙල මහෙස්ත්‍රාත් අධිකරණය වෙත ඉදිරිපත් කිරීමෙන් අනතුරව රක්ෂිත බන්ධනාගාරගත කර තිබේ.

 

ඒ අනුව ගල්වැව සිරිධම්ම හිමියන්ව දෙසැම්බර් 06වැනිදා දක්වා එලෙස රක්ෂිත බන්ධනාගාරගත කර ඇත.

 

පොලීසිය ඉදිරිපත් කළ මෝසමක් අනුව 2022 ජුනි 10 වැනිදා සිදුවූ සිද්ධියකට අදාළව පොදු දේපළවලට හානි කිරීම සම්බන්ධයෙන් නඩුවක් සඳහා බන්ධනාගාර නිලධාරීන් විසින් ගල්වැව සිරිධම්ම හිමියන්ව එලෙස කඩුවෙල මහෙස්ත්‍රාත් අධිකරණය වෙත ඉදිරිපත් කිරීමෙන් අනතුරුව මෙලෙස රිමාන්ඩ් භාරයට පත්කර තිබේ.