497
සංචාරක අමාත්‍ය හරීන් ප්‍රනාන්දු සහ කම්කරු හා විදේශ රැකියා අමාත්‍ය මනුෂ නානායක්කාර මහත්වරුන් සමඟි ජන බලවේගයෙන් නෙරපා හැරීමට ඊයේ (18) තීරණය කර තිබේ.
එම පක්ෂයේ කෘත්‍යාධිකාරී මණ්ඩලය ඊයේ (18) පස්වරුවේ රැස් වූ අවස්ථාවේදී මේ තීරණයට එළැඹ ඇත.
එම දෙදෙනා සමඟි ජන බලවේගයේ සිට ආණ්ඩුවට සම්බන්ධ වූවෝ වෙති. මේ සම්බන්ධයෙන් අදහස් දැක්වූ එම පක්ෂයේ මහලේකම් රංජිත් මද්දුමබණ්ඩාර මහතා පැවසුවේ මෙම දෙපළ පක්ෂයේ නීති රාමුවට අනුකූල නොවන අයුරින් කටයුතු කළ නිසා මේ තීරණය ගනු ලැබූ බවයි.
