411
ශ්‍රී ලංකාවේ ජාත්‍යන්තර ගුවන්තොටුපළ ආශ්‍රිතව සරුංගල් යැවීම සපුරා තහනම් කර ඇතැයි ශ්‍රී ලංකා ගුවන්තොටුපළ හා ගුවන් සේවා පෞද්ගලික සමාගම සදහන් කරයි.
ගුවන්තොටුපළ ආශ්‍රිතව කිලෝමීටර 5ක සීමාවක් තුළ අඩි 300ක් ඉක්මවා සරුංගල් හෝ එවැනි මොනයම් හෝ වස්තුවක් ගුවනේ යැවීම සම්බන්ධයෙන් මෙම තහනම නිකුත් කර තිබේ.
ශ්‍රී ලංකා ගුවන්තොටුපළ හා ගුවන් සේවා පෞද්ගලික සමාගම සඳහන් කළේ ඒ හේතුවෙන් ගුවන් යානා මෙහෙයුම් කටයුතුවලට බාධා එල්ලවන අතර එය දැඩි ජීවිත හා දේපළ අවදානමක් ගෙන දෙන කරුණක් බවයි.
එමෙන්ම මෙම කරුණ කිසියම් පුද්ගලයකු නොසලකා කටයුතු කරන්නේ නම්, එම පුද්ගලයන්ට එරෙහිව පවතින නීතිමය රාමුව යටතේ දැඩි දඬුවම් ලබා දිය හැකි වරදක් බව සදහන් කෙරේ.
