කෑගල්ල – අවිස්සාවේල්ල මාර්ගයේ ගමනාගමනයට සීමා

කෑගල්ල – අවිස්සාවේල්ල මාර්ගයේ ගමනාගමනය සීමා කිරීමට කටයුතු කර තිබෙන බව පොලීසිය සදහන් කරයි.

ඒ කබුළුමුල්ල රජමහා පත්තිනි දේවාලයේ වාර්ෂික ඇසළ පෙරහැර වෙනුවෙනි.

ඒ අනුව අද(05) රාත්‍රී 09.00 සිට හෙට (06) අලුයම 03.00 දක්වා කාලය තුළ විකල්ප මාර්ග භාවිත කරන ලෙසට පොලීසිය මහජනතාවගෙන් සහ රියදුරන්ගෙන් ඉල්ලා සිටියි.

අවිස්සාවේල්ල දෙස සිට කෑගල්ල දෙසට පැමිණෙන වාහන තල්දූව හන්දියෙන් මැදගොඩ මාර්ගයේ රුවන්වැල්ල සිට කෑගල්ල දක්වා ගමන් කළ හැකිය.

කොළඹ දෙස සිට හැටන් දෙසට ගමන් කරන වාහන තල්දූව හන්දියෙන් මැදගොඩ මාර්ගයේ රුවන්වැල්ල, පනාපිටිය, පරුස්සැල්ල හරහා යටියන්තොට හැටන් දක්වා ගමන් කළ හැකි වේ.

කබුළුමුල්ල රජමහා පත්තිනි දේවාලයේ වාර්ෂික අසළ පෙරහැර අද (05) රාත්‍රියේ එම දේවාලය අසලින් ආරම්භ වී වැන්දල විහාරස්ථානය දක්වා කෑගල්ල අවිස්සාවේල්ල මාර්ගයේ විථි සංචාරය කිරීමට නියමිතය.