158
සූඩාන ගැටුම් හේතුවෙන් කාර්ටූම් අගනුවර උසම ගොඩනැගිල්ල ගිනි ගෙන විනාශ වී ඇති බව විදෙස් මාධ්‍ය වාර්තා වෙයි.
සූඩාන හමුදාව හා ප්‍රතිවාදී කණ්ඩායම් අතර දරුණු සටන් හේතුවෙන් කාර්ටූම්හි ග්‍රේටර් නයිල් පෙට්‍රෝලියම් තෙල් සමාගම් කුළුණ ගින්නෙන් විනාශ වී ඇති බව වාර්තා වෙයි.
පසුගිය අප්‍රේල් මාසයේ සටන් ආරම්භ වූ දා සිට කාර්ටූම් සහ අනෙකුත් නගරවලට ගුවන් ප්‍රහාර එල්ල වූ අතර ගොඩබිම් සටන් ද අඛණ්ඩව පැවතුණා. ඒ හේතුවෙන් මිලියනයකට අධික පිරිසක් රට හැර ගොස් ඇති බවයි එක්සත් ජාතීන්ගේ සංවිධානය පවසයි.
නයිල් නදිය ආසන්නයේ පිහිටා ඇති තට්ටු 18 කින් යුත් තෙල් සමාගමකට අයත් ගොඩනැගිල්ලකුයි මෙසේ විනාශ වී ඇති අතර මෙම ගැටුම් හේතුවෙන් සිදු වූ ජීවිත හානි පිළිබඳ මෙතෙක් වාර්තා නොවෙයි.
