ප්රංසයේ පැවැත්වෙන රග්බි ලෝක කුසලාන තරගාවලියේ ඔස්ට්රේලියාව හා ෆීජී අතර තරගයෙන් ලකුණු 22-15ක ජයක් ෆීජී ක්රීඩකයෝ අත්කර ගත්හ. තරගයේ පළමු භාගයේදී ෆීජී පිල ලකුණු 12-8ක් ලෙස ඉදිරියෙන් සිටියහ.
ෆීජී පිල වෙනුවෙන් ජෝසුවා තියුසෝවා උත්සහක දිනුමක් වාර්තා කළ අතර, ගෝල ප්රවර්ථනය සිමියෝන් කුරුවෝලී සාර්ථක කළේය. සිමියෝන් කුරුවෝලී හා ෆ්රෑන්ක් ලොමානී දඬුවම් පහර දෙකකින් ෆීජී පිලට ලකුණු අත්කර දුන්හ. ඔස්ට්රේලියාව වෙනුවෙන් මාක් නවකන්ටිනාවා හා සුලී වුනිවාලූ උත්සහක දිනුම් ලබාගත් අතර, බෙන් ඩොනල්ඩ්සන් ගෝල පරිවර්තනයෙන් හා දඬුවම් පහරකින් ලකුණු එක් කළේය.
අයර්ලන්තය හා ටොන්ගා අතර තරගයේදී ලකුණු 59-16කින් ටොන්ගා පිල, දකුණු අප්රිකාව හා රොමේනියා අතර තරගයේදී ලකුණු 76-0කින් දකුණු අප්රිකාව, එංගලන්තය හා ජපානය අතර තරගයේදී ලකුණු 34-12කින් එංගලන්තය ජයග්රහණ වාර්තා කළහ.
හෙට (20) ඉතාලිය හා උරුගුවේ අතර තරගයත්, 22 දා ප්රංසය හා නැමීබියාව, ආර්ජන්ටිනාව හා සැමෝවා අතර තරග දෙකත් පැවැත්වීමට නියමිතය.
