හැරී පොටර් නළු ශ්‍රීමත් මයිකල් ගැම්බන් ( Michael Gambon ) මියගොස් ඇත.
1940 ඔක්තෝබර් 19 වන දින උපත ලැබූ ගැම්බන් සිය 82වන විය පසු කරමින් සිටිය බව විදෙස් මාධ්‍ය වාර්තා කරයි.
ඔහු රෝහල්ගතව ප්‍රතිකාර ලබමින් සිටියදී මිය ගිය බව ඔහුගේ පවුලේ අය සදහන් කර තිබේ.
ගැම්බන් සිය රංගන ජීවිතය ආරම්භ කළේ ලෝරන්ස් ඔලිවියර් සමඟ රාජකීය ජාතික රඟහලේ මුල් සාමාජිකයන්ගෙන් කෙනෙකු ලෙසය. ඔහුගේ දශක හයක දිගු වෘත්තීය ජීවිතය තුළ, ඔහු ඔලිවියර් සම්මාන තුනක්, තිර නළුවන් සංසද සම්මාන දෙකක් සහ BAFTA සම්මාන හතරක් ලබා ගත්තේය. 1999 දී ඔහුට නාට්‍ය සඳහා වූ සේවය වෙනුවෙන් II එලිසබෙත් රැජින විසින් නයිට් පදවිය ද පිරිනමන ලදී.
ඔහු වඩාත් ප්‍රසිද්ධියට පත්ව ඇත්තේ හැරී පොටර් චිත්‍රපට ගණනාවක හොග්වාර්ට්ස් හි ප්‍රධාන ඇදුරුතුමා වන ඩම්බල්ඩෝර් ලෙස රඟපෑම සඳහාය.
හැරී පොටර් චිත්‍රපට මාලාවට අමතරව Fantastic Mr Fox , Singing Detective යන චිත්‍රපට ඔහු රංගනයෙන් දායක වුණු විශිෂ්ට ගණයේ නිර්මාණවේ.
ගැම්බන්ගේ බිරිඳ සහ පුත් ෆර්ගස් ගැම්බන් වෙනුවෙන් නිකුත් කරන ලද ශෝක ප්‍රකාශයේ මෙසේ සඳහන් විය. “ශ්‍රීමත් මයිකල් ගැම්බන් අහිමි වීම ප්‍රකාශ කිරීම ගැන අපි කම්පාවට පත්ව සිටිමු.”
මයිකල් නියුමෝනියාව වැළඳීමෙන් පසු ඔහුගේ බිරිඳ ඈන් සහ පුත් ෆර්ගස් සමඟ සිටියදී රෝහලේදී මිය ගියේය.
