බදුල්ල රෝටරි සමාජය හා කොළඹ හෙරිටේජ් රොටරි සමාජය එක්ව රිදීමාලියද්ද ගල්බොක්ක පාසලේ සිසු දරුවන් සියලුම දෙනාට පාසල් උපකරණ හා වියළි ආහාර බෙදාදීම පසුගියදා ඒම පාසලේදි සිදුවිය.
ලංකාවේ පමණක් නොව ඌව පළාතේ අති දුප්පත්ම ප්‍රාදේශීය ලේකම් කොට්ඨාසය රිදීමාලියද්ද, දෙහිගම ග්‍රාම නිලධාරී වසමට අයත් ගල්බොක්ක, යල්අරාව, හෙවන්වත්ත, පොල්වගාව, ගල් බොක්ක යන ගම්මානවලින් දරුවන් 84 දෙනෙකු 1-5 වසර වල ඉගෙනීමට ගල්බොක්ක පාසලට පැමිණෙති.
මෙම පාසලට පැමිණෙන දරුවන්ගේ මාපියන් වැඩි පිරිසක් හේන් ගොවිතැන ජීවිකාව කරගෙන තිබෙන අතර ඇතැම් දරුවන්ගේ දෙමාපියන් දරුවන් අතහැර දමා ගොස් තිබෙන නිසා පාසල් ඇඳුම, පෝෂ්‍යදායි ආහාරයක් පවා දරුවන්ට නොමැති බව පවසයි.
රොටරි සමාජය මගින් පාසලේ දරුවන් 84 දෙනාට රුපියල් ලක්ෂ 15කට වැඩිය වටිනා පොත් බෑග්, සපත්තු, ඇතුළු සියලුම පාසල් උපකරණ ලබාදුන් අතර ඔවුන්ගේ ගුරුවරුන් පස්දෙනාටත් දෙමාපියන් සහ භාරකරුවන්ටත් වියළි ආහාර බෙදාදීම සිදු කෙරිණි.
ඌව පළාත් සමූහ ප්‍රසන්න පත්මසිරි
