පවතින වැසි තත්ත්වය නිසා රත්නපුර ඇලපාත සහ කිරිඇල්ල ප්‍රාදේශීය ලේකම් කොට්ඨාස වල පහත් බ්ම් සහ මාර්ග කිපයක් තුන් වන දිනටත් ජලයෙන් යට වී පවතින බව වාර්තා වෙයි
ඊයේ 30 සහ අද 01 එම ප්‍රාදේශීය ලේකම් කොට්ඨාස වල ප්‍රදේශ කිපයක ගංවතුර තත්ත්වයක් වාර්තා වු බව රත්නපුර ආපදා කළමනාකරණ ඒකකය පවසයි.
ඒ අතර බස්රථ ධාවනය වන ප්‍රධාන මාර්ග තුනක් ද ජලයේ යටවි තිබිණි .
ඒ නිසා එම මාර්ගවල ගමනාගමන කටයුතුවලට බාධා සිදු විය .අළුපොත- නිරල්ගම ප්‍රධාන බස් රථ මාර්ගය, රත්නපුර හංගමුව හරහා කරවිට ප්‍රධාන මාර්ගය සහ රත්නපුර ඇලපාත හරහා රද්දැල්ල දිමියාව දක්වා මාර්ගයේ ස්ථාන කිපයක් ජලයෙන් යටවු තිබිණි .
ඇලපාත ප්‍රාදේශීය ලේකම් කොට්ඨාසයේ දෙමළ පෝරුව ,කරංගොඩ, රද්දැල්ල, ගිනිහිරිය, ගල්ගමුව, දෙල්ලබඩ, හල්දොල වැනි ගම්මාන රැසක ජනතාව තම දෛනික කටයුතු කර ගැනීමට නොහැකිව තිබිණි .
මැණික් පතල් කර්මාන්තයෙන් ජීවත් වන ජනතාවක් සිටින මෙම ගම්මාන වල මැණික් පතල් ජලයෙන් යටවීම නිසා ඔවුන්ට මේ දිනවල එම රැකියාවේ යෙදිමට නොහැකිව තිබේ .
