359
සිය පියාගේ මෝටර් රථය සොරකම් කළ 12 හැවිරිදි දරුවකු පැය 10කට අධික කාලයක් අපරීක්ෂාකාරී ධාවනයක නිරතවෙමින් තවත් මෝටර් රථ 30ක් අනතුරට ලක් කිරීමේ සිදුවීමක් ඔස්ට්රේලියාවේ ක්වීන්ස්ලන්ඩ් ප්රාන්තයෙන් වාර්තා වේ. ලෑන්ඩ් කෘසර් වර්ගයේ එම මෝටර් රථය පදවා යමින් එසේ මෝටර් රථ 30කට අලාභ හානි කිරීමෙන් පසු ඔහු මෝටර් රථය හැර දමා පලා ගොස් ඇතැයිද එරට මාධ්ය වාර්තා කළේය.
ක්වීන්ස්ලන්ඩ් ප්රාන්තයේ සරී හිල් නුවර ඔක්ස්ෆර්ඩ් වීදියේ මෝටර් රථ ගණනාවක් අනතුරට ලක් කිරීමෙන් පසු පොලිස් නිලධාරීන් ලෑන්ඩ් කෘසර් රථය නවත්වා ගැනීමට උත්සාහ දැරුව ද එය අසාර්ථක වී ඇති අතර, පසුදින උදෑසන ඔහුගේ නිවෙසේදී පොලිසිය විසින් අදාළ දරුවා සහ එම රථයේ සිටි බව කියන අවුරුදු 22 සහ 17 වයස් කාණ්ඩයේ පසු වූ තරුණයන් දෙදෙනකු සහ 16 හැවිරිදි දැරියක අත්අඩංගුවට ගනු ලැබූ බව ද වැඩිදුරටත් වාර්තා වේ.
