169
ගංවතුර ආධාර ලෙස බෙදා දීමට තිබුණු රුපියල් 15,000ක් වටිනා සලාක පාර්සල් සොරා ගැනීම සම්බන්ධයෙන් සැකපිට මාතර පොලිසියේ සේවයේ නිරත පොලිස් සැරයන්වරයෙක් අත්අඩංගුවට ගනු ලැබුවේය. මාතර පොලිසිය විසින් ඔහු මාතර මහේස්ත්‍රාත් අධිකරණයට ඉදිරිපත් කිරීමෙන් අනතුරුව දෙසැම්බර් 04 වෙනිදා දක්වා රක්ෂිත බන්ධනාගාරගත කෙරුණි.
ලක්ෂ්මන් යාපා පදනමට අයත් මාතර පඹුරන පිහිටි කාර්යාලයේ තිබුණු ගංවතුර ආධාර ලෙස බෙදා දීමට තිබුණු සලාක පාර්සල් තොගයක් අතුරුදන්ව ඇති බවට පොලිසියට ලද පැමිණිල්ලකට අනුව කළ විමර්ශනයකදී මෙම සැරයන්වරයා සැකපිට අත්අඩංගුවට ගනු ලැබුවේය.
පසුගිය 24 වෙනිදා මෙම සොරකම ගැන පැමිණිල්ල පොලිසියට කර ඇත්තේ වයඹ පළාත් ආණ්ඩුකාර ලක්ෂමන් යාපා අබේවර්ධන මහතාගේ සම්බන්ධීකරණ ලේකම්වරයකු විසින් බව පොලිසිය කියයි.
