කොම්පඤ්ඤ වීදිය ප්‍රදේශයේ දී පෙරේදා (25) රාත්‍රී පොලිස් නිලධාරියකුට පහර දුන් බව කියන පුද්ගලයන් දෙදෙනෙක් අත්අඩංගුවට ගත් බව කොම්පඤ්ඤ වීදිය පොලිසිය කියයි.
පහර කෑමෙන් තුවාල ලබා ඇත්තේ කොළඹ මධ්‍යම කොට්ඨාස අපරාධ විමර්ශන ඒකකයට අනුයුක්තව රාජකාරි කරනු ලබන පොලිස් කොස්තාපල් 93360 උක්වත්ත නිලධාරියා බව පොලිසිය කියයි. පහර කෑ එම නිලධාරියා ප්‍රතිකාර සඳහා කොළඹ ජාතික රෝහල වෙත ඇතුළත් ව ඇත.
තුවාල ලද කොස්තාපල්වරයා තවත් නිලධාරියකු සමඟ රාත්‍රී ආහාර ලබා ගැනීම සඳහා කොම්පඤ්ඤවීදිය හන්දිය වෙළඳ සැලකට ගොස් යළි පැමිණීමේ දී පුද්ගලයන් දෙදෙනකු සමඟ ඇති වූ බහින් බස් වීමකින් අනතුරුව මෙම පහරදීම සිදුකර ඇතැයි පොලිසිය කියයි.
අත්අඩංගුවට ගත් සැකකරුවන් දෙදෙනා කොළඹ 2 පොලිස් පටුමග හා කොළඔ 2 නවම් මාවත පදිංචි වයස අවුරුදු 25 සහ 39 අතර පසුවන්නන් ය.
සැකකරුවන් කොටුව මහේස්ත්‍රාත් අධිකරණය වෙත ඉදිරිපත් කිරීමට නියමිතය.
කොම්පඤ්ඤ වීදිය පොලිසිය පරීක්ෂණ පවත්වයි.
