රාජ්‍ය ඇමැතිවරයා ලෙස මා සිටි වකවානුවේදී ගම්පහ නගරය සුහුරු නගරයක් බවට පරිවර්තනය කිරීමට සැළසුම් කළද එය ක්‍රියාත්මක කරන්නට නොහැකි වූ බැවින් දැන් හෝ එම ව්‍යාපෘතිය ආරම්භ කරන ලෙස පාර්ලිමේන්තු මන්ත්‍රී නාලක ගොඩහේවා මහතා පාර්ලිමේන්තුවේදී ඊයේ (29) ප්‍රකාශ කෙළේය.
මහාමාර්ග හා නාගරික සංවර්ධන අමාත්‍යාංශ පිළිබඳ වැය ශීර්ෂයන්වලට අදාළ විවාදයට එක් වෙමින් නාලක ගොඩහේවා මහතා මේ බව සඳහන් කළේය.
වැඩිදුරටත් අදහස් දැක්වූ මන්ත්‍රීවරයා මෙසේද පැවසීය.
මා රාජ්‍ය ඇමැතිවරයා ලෙස සිටිද්දී ගම්පහ නගරයට බලපාන ගංවතුර ප්‍රශ්නය විසඳන්න කටයුතු කළා. අපි ඒ කාලයේ බොහෝ වැඩ කටයුතු කරන්නට පටන් ගත්තා. නමුත් පැවති ව්‍යසනයන් හමුවේ ඒ කටයුතු කර ගන්නට බැරි වුණා. අපි ගම්පහ සුහුරු නගරයක් කරන්නට වැඩසටහනක් හැදුවා. නමුත් එයත් අසාර්ථක වුණා. නමුත් මම ඉල්ලනවා දැන් හෝ එම කටයුතු ආරම්භ කරන්නට කියලා. මුදල් අඩු වීමත් ඒක කළමණාකරණය කරගෙන හොඳ වැඩසටහනක් ආරම්භ කරන්නට පුළුවන් තත්වයක් නිර්මාණය කරනවා.
