ඩීසල් රු. 27කින් පෙට්ට්‍රල් රු. 10කින් මිල පහළ බසී

ලංකා ඛනිජතෙල් නීතිගත සංස්ථාව ඊයේ(30) මධ්‍යම රාත්‍රී 12.00 සිට ඉන්ධන මිල සංශෝධනය කර තිබේ.

ඒ අනුව නව මිල දර්ශනය මෙසේය.

ලංකා පෙට්ට්‍රල් ඔක්ටේන් 92 රුපියල් 356ක් ව පැවැති අතර එහි මිල රුපියල් දහයකින් පහත දමා ඇත. ඒ අනුව එහි නව මිල වන්නේ රුපියල් 346කි.

ලංකා පෙට්ට්‍රල් ඔක්ටේන් 95 රුපියල් 423ක්ව පැවැති අතර එහි මිල රුපියල් තුනකින් ඉහළ දමා ඇත. ඒ අනුව එහි නව මිල වන්නේ රුපියල් 426කි. ලංකා සුදු ඩීසල් මිල රුපියල් 356ක්ව පැවැති අතර එහි මිල රුපියල් 27කින් පහත දමා ඇත. ඒ අනුව එහි නව මිල වන්නේ රුපියල් 329කි.

ලංකා සුපිරි ඩීසල් රුපියල් 431ක්ව පැවැති අතර එහි මිල රුපියල් තුනකින් ඉහළ දමා ඇත. ඒ අනුව එහි නව මිල වන්නේ රුපියල් 434කි. ලංකා භූමිතෙල් මිල රුපියල් 249ක්ව පැවැති අතර එහි මිල රුපියල් දෙකකින් පහත දමා ඇත. ඒ අනුව එහි නව මිල වන්නේ රුපියල් 247කි.