කැලණි සරසවිය ලබන සඳුදා යළි විවෘත කරයි

වසා දමා ඇති කැළණිය විශ්වවිද්‍යාලයේ විද්‍යාපීඨය, වාණිජ හා කළමනාකරණ පීඨය සහ තාක්ෂණ පීඨය අධ්‍යයන කටයුතු සඳහා ලබන සඳුදා (11) යළි විවෘත කරන බව විශ්ව විද්‍යාල පාලනාධිකාරිය පවසයි.

පසුගිය 5 වැනිදා සිසුන් පිරිසක් විශ්වවිද්‍යාලයේ ආරක්ෂක අංශයේ සේවයේ නියුතු නිලධාරීන් දෙදෙනෙකු බලහත්කාරයෙන් පැහැරගෙන ගොස් පහරදීමේ සිද්ධියක් මුල් කර ගනිමින් වෛද්‍ය පීඨය හැර අනෙකුත් පීඨ වසා දමනු ලැබීය.

පසුව ඊට සම්බන්ධ සිසුන් 4 දෙනෙකුගේ පන්ති තහනම් කිරීමට විශ්වවිද්‍යාල පාලනාධිකාරිය තීරණය කළේය.