බාර් අරින වහන වෙලා­වල වෙන­සක්

දිවයින පුරා පිහිටි සියලු සුරාසල් විවෘත කරන හා වසනු ලබන වෙලාව අද (9) සිට සංශෝධනය කර තිබේ. සුරාබදු ආඥා පනතේ 52 වැනි අධිකාරියේ 32-1 උපවගන්තියේ බලතල ප්‍රකාර ව මුදල්, ආර්ථික ස්ථායිකරණ සහ ජාතික ප්‍රතිපත්ති ඇමැතිවරයා ලෙස ජනාධිපති රනිල් වික්‍රමසිංහ මහතා විසින් ඊට අදාළ නිවේදනය නිකුත් කර ඇත.

ඊට අනුව, විදේශ මත්පැන් සිල්ලරට විකිණීමේ බලපත්‍ර වර්ගය යටතේ ඇති සුරාසල් පෙ.ව. 8 සිට රාත්‍රී 10 දක්වාද, පරිශ්‍රය තුළදී පරිභෝජනය කරන මත්පැන් සඳහා (සංචාරක මණ්ඩල අනුමැතිය රහිත) පෙ.ව. 10 සිට රාත්‍රී 11 දක්වාද, පරිශ්‍රය තුළදී පරිභෝජනය කරන මත්පැන් සඳහා (සංචාරක මණ්ඩල අනුමැතිය සහිත) ස්ථාන පෙ.ව 10 සිට රාත්‍රී 12 දක්වාද විවෘතව පවතින බව එම නිවේදනයේ දක්වා ඇත.