යතුරුපැදි අනතුරෙන් තරුණයෙක් මරුට

සෝමාවතිය පොලොන්නරුව ප්‍රධාන මාර්ගයේ ලංකාපුර බී. ඕ. පී. 400 ප්‍රදේශයේදී පෙරේදා (10) පස්වරු තුනට පමණ යතුරුපැදි දෙකක් මුහුණට මුහුණලා ගැටීමෙන් එක් අයකු මියගොස් තුන් දෙනෙකු තුවාල ලබා ඇතැයි පුලස්‌තිපුර පොලිසිය පවසයි.
එම අනතුරින් මියගොස් ඇත්තේ තඹාල දෙසින් සුංගාවිල දෙසට යතුරුපැදිය ධාවනය කළ අංක 97 ජයපුර සුංගාවිල ලිපිනයේ පදිංචිව සිටි තාෂීම් අහ්නාෆ් නමැති 18 හැවිරිදි තරුණයෙකි. අනතුරින් තුවාල ලබා දැනට පොලොන්නරුව ශික්ෂණ රෝහලේ නේවාසිකව ප්‍රතිකාර ලබන තිදෙනාද සුංගාවිල ප්‍රදේශයේ පදිංචිකරුවන් බව පොලිසිය පවසයි.
ලංකාපුර සමූහ – එච්. එල්. ද සොයිසා