Monday, May 20, 2024
Home » මෙවර MISS EARTH කිරුළ ඇල්බේනියාවට

මෙවර MISS EARTH කිරුළ ඇල්බේනියාවට

by chanaka
December 23, 2023 8:03 pm 0 comment

ඇල්බේනියාවේ ඩ්‍රිටා සිරි මෙවර මිස් අර්ත් (MISS EARTH) නැතහොත් මිහිකත රූ රැජින කිරුළ දිනාගැනීමට සමත් විය.

එමෙන්ම ඇය මිස් අර්ත් කිරුළ දිනාගත් පළමු ඇල්බේනියානු ජාතික කාන්තාව බවට පත් වූ අතර මෙවැනි ජාත්‍යන්තර නිරූපණ තරගාවලියක් ජයගත් පළමු ඇල්බේනියානු කාන්තාව වීම ද විශේෂත්වයකි.

නව රැජින දැනට සංචාරක කළමනාකරණ සිසුවියක් සහ රූපවාහිනී නිවේදිකාවක් ලෙසද කටයුතු කරයි. ඇය මීට පෙර Miss Globe 2022 තරඟයේ ඇය දෙවන අනුශූරිය විය. පියයුරු පිළිකා දැනුවත් කිරීමේ ව්‍යාපාරයක් ඇතුළු සමාජ ක්‍රියාකාරකම් රාශියක නියැලීම ඇයගේ අපේක්ෂාවන් බව ඇය කියා සිටියි.

මිස් අර්ත් යනු “සුන්දර සහ විවිධ ආකාරයේ සත්ත්ව විශේෂ සැමරීම සඳහාත්, අපගේ පෘථිවි ග්‍රහලෝකයේ සංරක්ෂණය සහ සංරක්ෂණය තවදුරටත් ප්‍රවර්ධනය කිරීම සඳහාත්” වාර්ෂිකව පවත්වනු ලබන ජාත්‍යන්තර තරඟයකි.

දෙසැම්බර් 22 සිකුරාදා රාත්‍රියේ වියට්නාමයේ දී මෙම තරගය පැවැත්වුණි.

මිස් යුනිවර්ස්, මිස් වර්ල්ඩ් සහ ඉන්ටර්නැෂනල් රූ රැජින සමඟින් ලොව ප්‍රධාන ජාත්‍යන්තර තරඟ හතරෙන් එකක් ලෙස මිස් අර්ත් සැලකේ.

You may also like

Leave a Comment

Sri Lanka’s most Trusted and Innovative media services provider

Facebook

@2024 – All Right Reserved. Designed and Developed by Lakehouse IT