Monday, May 20, 2024
Home » දේශීය කුළුබඩු සඳහා අන්තර්ජාලය ඔස්සේ තරඟකාරී වෙළෙඳපොළක්

දේශීය කුළුබඩු සඳහා අන්තර්ජාලය ඔස්සේ තරඟකාරී වෙළෙඳපොළක්

by yasara
January 30, 2024 5:01 pm 0 comment

අපනයන භෝග සඳහා විදේශීය වෙළඳපොළ සකස් කිරීමේ දී මාර්ගගත ක්‍රමයට පාරිභෝගිකයන් සම්බන්ධ කර ගැනීම සඳහා නව වැඩපිළිවෙළක් ක්‍රියාත්මක කරන බව වැවිලි කර්මාන්ත හා මහවැලි රාජ්‍ය අමාත්‍ය ලොහාන් රත්වත්තේ මහතා පවසයි.

ජාත්‍යන්තර තේ වෙළෙඳ පොළේ මෙන් දේශීය කුළුබඩු සඳහා අන්තර්ජාලය ඔස්සේ තරඟකාරී වෙළෙඳ පොළක් සකස් කරන බව ද ඒ මහතා කීය. නව රාජ්‍ය අමාත්‍යධුරයට පත් ලොහාන් රත්වත්ත මහතා අද (30) අපනයන කෘෂිකර්ම දෙපාර්තමේන්තු ගැටඹේ පිහිටි ප්‍රධාන කාර්යාලයේ පැවති ප්‍රගති සමාලෝචන රැස්වීමට එක්වෙමින් මේ බව ප්‍රකාශ කළේය.‍

කෘෂිකර්ම,වැවිලි කර්මාන්ත ඇතුළු එම ක්ෂේත්‍රයට සම්බන්ධ ආයතන ඒකරාශී වීම තුළින්  තීන්දු තීරණ ක්‍රියාත්මක කිරීම වඩාත් පහසු වන බවත් වෙන් වෙන්ව තිබුණු අමාත්‍යංශ හා විෂයයන් ඒකාබද්ධ කිරීම මගින් තීන්දු ක්‍රියාත්මක කිරීමට තිබුණු බාධා මග හැරෙන බවත් රාජ්‍ය අමාත්‍යවරයා කීවේය.

ප්‍රගති සමාලෝචන රැස්වීමෙන් අනතුරුව අමාත්‍ය ලොහාන් රත්වත්ත මහතා ගන්නෝරුවේ පිහිටි උද්‍යාන භෝග පර්යේෂණ හා සංවර්ධන ආයතනය නිරීක්ෂණයකට ද එක්වීය

මෙම අවස්ථාවට වැවිලි කර්මාන්ත හා කෘෂිකර්ම අමාත්‍යාංශ ලේකම් ජානක ධර්මකීර්ති, අපනයන කෘෂිකර්ම දෙපාර්තමේන්තුවේ අධ්‍යක්ෂ ජනරාල් ආචාර්ය ඒ.පී.පී.දිස්නා, උද්‍යාන බෝග පර්යේෂණ හා සංවර්ධන ආයතනයේ අධ්‍යක්ෂ ආචර්ය තුසිත වික්‍රමාරච්චි යන මහත්ම මහත්මීන් ඇතුළු නිලධාරී පිරිසක් සහභාගී වූහ.

 

You may also like

Leave a Comment

Sri Lanka’s most Trusted and Innovative media services provider

Facebook

@2024 – All Right Reserved. Designed and Developed by Lakehouse IT