Monday, May 20, 2024
Home » පියැසි මත සූර්ය පැනලවලින් ගිය වසරේ විදුලි ඒකක මිලියන 630ක්

පියැසි මත සූර්ය පැනලවලින් ගිය වසරේ විදුලි ඒකක මිලියන 630ක්

by chanaka
January 31, 2024 1:09 pm 0 comment

ලංකා විදුලිබල මණ්ඩලය විදුලි පාරිභෝගිකයන් සඳහා ක්‍රියාත්මක කරන ලද පියැසි මත සූර්ය පැනල සවිකිරීමේ ක්‍රමවේදය (Rooftop Solar Scheme) යටතේ 2023 වසර තුල දී පමණක් විදුලි ඒකක මිලියන 630 ක් (630 million units) ජාතික පද්ධතියට එක් කර ඇති බව ලංකා විදුලිබල මණ්ඩලය කියා සිටියි.

ෙඒ අනුව, රට පුරා විසිරී සිටින ලංකා විදුලිබල මණ්ඩලයේ පාරිභෝගික භවතුන් විසින් මෙම සුවිශේෂී ජාතික කාර්ය සඳහා ඔවුන්ගේ සහයෝගය ලබා දී ඇත.

මෙහිදී සාම්ප්‍රදායික විදුලිය පාවිච්චි කිරීමේ ක්‍රමයෙන් බැහැර ව නව තාක්ෂණික අත්දැකීමක් ලබාගනිමින් ජාතික පද්ධතියට විදුලිය විකිණීමට පාරිභෝගිකයින් යොමුවී තිබීම අගය කල යුතුය. (change from Consumer to Pro-sumer / පරිභෝජනයෙන් විදුලි ජනනයට යොමුවීම).

මෙහි දී විවිධ ඉංජිනේරුමය සහ තාක්ෂණික ගැටළු සඳහා විසඳුම් ලබාදෙමින් හැකි උපරිම ආකාරයෙන් සූර්ය පැනල පද්ධති ජාතික පද්ධතියට එකතු කිරීමට කටයුතු කරන, වි‌ශේෂයෙන් බෙදාහැරීම් අංශවල ලංකා විදුලිබල මණ්ඩලයේ කාර්ය මණ්ඩල‌යේ මෙහෙවර ද එම මණ්ඩලය සිහිපත් කර සිටියි.

මෙම පාරිභෝගික භවතුන් ලංවිම සමග එක්ව සිදුකරන මෙම පරිසර හිතකාමී ව්‍යාපෘති මගින් රටේ පුනර්ජනනීය බලශක්ති භාවිතය ද ප්‍රවර්ධනයවේ.

You may also like

Leave a Comment

Sri Lanka’s most Trusted and Innovative media services provider

Facebook

@2024 – All Right Reserved. Designed and Developed by Lakehouse IT