Home » එජා ආහාර හා කෘෂි­කර්ම සංවි­ධා­නයේ 37 වැනි ආසියා-පැසි­ෆික් සමු­ළුව සඳුදා කොළඹදී ඇරැඹේ

එජා ආහාර හා කෘෂි­කර්ම සංවි­ධා­නයේ 37 වැනි ආසියා-පැසි­ෆික් සමු­ළුව සඳුදා කොළඹදී ඇරැඹේ

by damith
February 17, 2024 1:03 am 0 comment

එක්සත් ජාතින්ගේ ආහාර හා කෘෂි­කර්ම සංවි­ධා­නයේ 37 වැනි ආසියා- පැසි­ෆික් කලා­පීය සමු­ළුව මෙම මස 19 සිට 22 දක්වා කොළඹ හිල්ටන් හෝට­ලයේ දී පැවැත්වේ.

මෙම සමු­ළුවේ සමා­ර­ම්භක සැසි­වා­රය ලබන 20 දින ජනා­ධි­පති රනිල් වික්‍ර­ම­සිංහ මහ­තාගේ ප්‍රධා­න­ත්ව­යෙන් පැවැ­ත්වී­මට කට­යුතු යොදා ඇත.

මෙම සමු­ළු­වට ආසියා – පැසි­ෆික් කලා­පයේ රට­වල් 35ක කෘෂි­කර්ම ඇමැ­ති­වරු නියෝජ්‍ය ඇමැ­ති­වරු මෙන්ම නිල­ධා­රින් ද ඇතු­ළුව 300කට අධික පිරි­සක් සහ­භාගි වීමට නිය­මි­තය. එක්සත් ජාතින්ගේ ආහාර හා කෘෂි­කර්ම සංවි­ධා­නයේ 37 වැනි ආසියා – පැසි­ෆික් කලා­පීය සමු­ළු­වට සහ­භාගි වීම සඳහා රට­වල් 35ක රාජ්‍ය නියෝ­ජි­ත­යින් අද (17) සිට ශ්‍රී ලංකා­වට පැමි­ණී­මට නිය­මි­තය.

මීට අම­ත­රව එක්සත් ජාතීන්ගේ ආහාර හා කෘෂි­කර්ම සංවි­ධා­නයේ අධ්‍යක්ෂ ජන­රාල් Qu Dongyu මහතා හෙට (18) දින ශ්‍රී ලංකා­වට පැමි­ණී­මට නිය­මිත අතර මහ­ජන චීනය, මැලේ­සි­යාව, ජපා­නය, පකි­ස්තා­නය, බංග්ලා­දේ­ශය ආදී රට­වල් රැසක කෘෂි­කර්ම ඇමැ­ති­ව­රුන් මෙම සමු­ළු­වට සහ­භාගි වන බව මේ වන­වි­ටත් කෘෂි­කර්ම හා වැවීලි කර්මාන්ත අමා­ත්‍යාං­ශ­යට දැනුම් දී තිබේ.

කෘෂි­කර්ම හා වැවිලි කර්මාන්ත ඇමැති මහින්ද අම­ර­වීර මහ­තාගේ ප්‍රධා­න­ත්ව­යෙන් රට­වල් ගණ­නා­වක ඇමැ­ති­වරු සමඟ ලබන 19 වැනිදා හිල්ටන් හෝට­ලයේ දී ද්විපා­ර්ශ්වික සාකච්ඡා පැවැ­ත්වී­මට කට­යුතු යොදා තිබේ.

මෙම සමු­ළුව පිළී­බ­ඳව අද­හස් දැක්වූ කෘෂි­කර්ම හා වැවිලි කර්මාන්ත ඇමැති මහින්ද අම­ර­වීර මහතා , පාස්කු ප්‍රහා­රය, කොවිඩ් 19 වසං­ගත තත්ත්වය හා ශ්‍රී ලංකාවේ ආර්ථික අර්බු­ද­යෙන් පසු මෙර­ටට වැඩිම රාජ්‍ය නියෝ­ජි­ත­යින් පිරි­සක් එක්වර සහ­භාගි වන එකම සමු­ළුව මෙය වන බවයි.

වර්ත­මාන රජයේ ආර්ථික වැඩ­පි­ළි­වෙ­ළට මෙන්ම ජන­ජී­වි­තය නංවා­ලීම සඳහා එක්සත් ජාතින්ගේ ලෝක ආහාර හා කෘෂි­කර්ම සංවි­ධා­නය පසු­ගිය කාලය තුළ ඩොලර් මිලි­යන 100කට අධික මුල්‍ය­මය හා ද්‍රව්‍ය­මය ආධාර මෙර­ටට ලබා දී ඇති අතර එම සංවි­ධා­නයේ අධ්‍යක්ෂ ජන­රාල් Qu Dongyu මහතා පුද්ග­ලි­ක­වම මෙර­ටට ලබා දුන් සහ­යෝ­ගය අති­ශ­යින් අගය කළ යුතුයි.

අවු­රුදු 57කට පසුව එක්සත් ජාතින්ගේ සංවි­ධා­නයේ ආහාර හා කෘෂි­කර්ම සංවි­ධා­නයේ ආසියා පැසි­ෆික් කලා­පීය සමු­ළුව ශ්‍රී ලංකාවේ පැවැ­ත්වී­මට ගත් තීර­ණය ජනා­ධි­පති රනිල් වික්‍ර­ම­සිංහ මහ­තාගේ රට ගොඩ­න­ඟන වැඩ­පි­ළි­වෙළ කෙරෙහි ලෝකය තබා ඇතී විශ්වා­සය තහ­වුරු කර­න්නක් බව ද ඇමැ­ති­ව­රයා අව­ධා­ර­ණය කරයි.

බුද්ධිකා ඉඹු­ලාන

You may also like

Leave a Comment

Sri Lanka’s most Trusted and Innovative media services provider

Facebook

@2025 – All Right Reserved. Designed and Developed by Lakehouse IT