276
මෙරට ප්‍රධානතම ආර්ථික මධ්‍යස්ථානය වන දඹුල්ල විශේෂිත ආර්ථික මධ්‍යස්ථානය විදේශීය සමාගමකට විකිණීමට කටයුතු කරන බවට සමාජ ජාලවල ප්‍රචාරය වන පුවත සාවද්‍ය බව ආරක්ෂක රාජ්‍ය ඇමැති ප්‍රමිත බණ්ඩාර තෙන්නකෝන් මහතා ප්‍රකාශ කරයි. රාජ්‍ය ඇමැතිවරයා මේ බව ප්‍රකාශ කළේ දඹුල්ල වෙළෙඳ සංගම් නිලධාරීන් සමඟ පෙරේදා (25) පැවති සාකච්ඡාවට සහභාගි වෙමිනි.
මේ සාකච්ඡාව අතරතුර කෘෂිකර්ම ඇමැති මහින්ද අමරවීර මහතා දුරකතනයෙන් සම්බන්ධ කර ගත් රාජ්‍ය ඇමැතිවරයා මේ පුවත සම්බන්ධයෙන් කරුණු විමසීමක් ද සිදු කරන ලදි.
එහිදී කෘෂිකර්ම ඇමැතිවරයා පවසා සිටියේ ආර්ථික මධ්‍යස්ථාන විකිණීමට රජයේ කිසිදු සූදානමක් නොමැති බවයි.
එබැවින් මෙවැනි අසත්‍ය ප්‍රචාරවලට නොරැවටෙන ලෙස රාජ්‍ය ඇමැතිවරයා වැඩිදුරටත් ප්‍රකාශ කළේය.
