248
ශ්‍රී ලංකාවේ කොමියුනිස්ට් පක්ෂයේ දීපව්‍යාප්ත ආසන සංවිධායකවරුන් පත්කිරීමේ නව වැඩපිළිවෙළ යටතේ කොළඹ දිස්ත්‍රික් මැතිවරණ කොට්ඨාසයට ආසන සංවිධායකවරුන් සහ ආසන සංවිධායකවරියන් පත්කිරීමේ නිල උත්සවය මේ මස 29 වැනිදා (අනිද්දා) පස්වරු 4.00ට බොරැල්ල සුගීෂ්වර ශාලාවේදී පැවැත්වෙන බව කොළඹ දිස්ත්‍රික් සභාවේ සභාපති, හිටපු නාගරික මන්ත්‍රි එල්. ආර්. ස්ටීවන් මහතා ‘දිනමිණ’ට පැවැසීය.
මේ උත්සවයේදී වර්තමාන දේශපාලන තත්ත්වය පිළිබඳ විශේෂ සමරු දේශන දෙකක් පක්ෂයේ ප්‍රධාන ලේකම්, විශේෂඥ වෛද්‍ය ජී. වීරසිංහ සහ හම්බන්තොට දිස්ත්‍රික් පාර්ලිමේන්තු මන්ත්‍රි වීරසුමන වීරසිංහ මහත්වරුන් විසින් පැවැත්වීමට නියමිතය.
