කෑගල්ල රංදෙණිය ප්‍රදේශයේ ලැගුම් පොළක් පවත්වාගෙන යන මුවාවෙන් ගණිකා මධ්‍යස්ථානයක් පවත්වාගෙන ගිය කළමනාකාරවරයා ඇතුළු කාන්තාවන් හය දෙනෙක් කෑගල්ල මහේස්ත්‍රාත් සශිකා මිතුන ආරච්චි මහත්මිය වෙත ඉකුත් 24 වැනිදා ඉදිරිපත් කිරීමෙන් පසුව මාර්තු 06 වැනිදා දක්වා රක්ෂිත බන්ධනාගාරගත කරන ලෙස නියෝග කෙරිණ.
මෙලෙස රක්ෂිත බන්ධනාගාරගත කර ඇත්තේ ලැගුම් පොළේ කළමනාකාරවරයා වන කෑගල්ල මාදෙයියාව ප්‍රදේශයේ පදිංචිව සිටින 42 හැවිරිදි පුද්ගලයෙකි. ගණිකා වෘත්තියේ යෙදීම සම්බන්ධයෙන් වලස්මුල්ල ප්‍රදේශයේ පදිංචිව සිටින 45 හැවිරිදි කාන්තාවක් ගණිකා වෘත්තියේ නියැළී සිටීමට සිටි ගලෙන්බිඳුණුවැව ප්‍රදේශයේ පදිංචිව සිටින 35 හැවිරිදි කාන්තාවක් පුත්තලම ප්‍රදේශයේ 39 හැවිරිදි කාන්තාවක් කවුඩුල්ල ප්‍රදේශයේ 42 හැවිරිදි කාන්තාවක් හා කෑගල්ල නිල්මල්ගොඩ ප්‍රදේශයේ පදිංචිව සිටින 24 හැවිරිදි කාන්තාවක් බව පොලිසිය පවසයි.
කෑගල්ල රඹුක්කන මාර්ගයේ රංදෙණිය ප්‍රදේශයේ ලැගුම් පොළක් පවත්වාගෙන යන මුවාවෙන් ගණිකා මඩමක් පවත්වාගෙන යන බවට තොරතුරු ලැබුණු බවත්, පසුව ලැගුම් පොළ පරීක්ෂා කිරීමට කෑගල්ල පොලිසිය කෑගල්ල මහේස්ත්‍රාත් අධිකරණයෙන් ඉකුත් 22 වැනිදා සෝදිසි වරෙන්තුවක් ලබා ගත් බවත් පොලිසිය පැවසීය.
පසුව 23 වැනිදා කෑගල්ල කොට්ඨාස අපරාධ විමර්ශන කාර්යංශයේ දූෂණ මර්දන අංශයේ ස්ථානාධිපති උප පොලිස් පරීක්ෂක තාරක ධර්මරත්ත මහතා ඇතුළු කණ්ඩායමක් සෝදිසි කිරීමක් සිදු කර තිබුණි. එහිදී කළමනාකාරවරයා ඇතුළු විවිධ ප්‍රදේශවලින් පැමිණ සිටි කාන්තාවන් පස් දෙනෙක් අත්අඩංගුවට ගෙන පෙරේදා 24 වැනිදා කෑගල්ල මහේස්ත්‍රාත් සශිකා මිතුනආරච්චි මහත්මිය වෙත ඉදිරිපත් කෙරිණ.
රක්ෂිත බන්ධනාගාරගත කර ඇති හයවැනි සැකකාරිය මීට පෙර ගණිකා මධ්‍යස්ථාන සොයා දීම සම්බන්ධයෙන් පවතින නඩුවක සැකකාරියක් බවත් ඇයට ඒඩ්ස් වැලඳී ප්‍රතිකාර ලබමින් සිටින බවත් කරුණු වාර්තා කෙරිණ.
ප්‍රධාන සැකකරු ඇතුළු හයදෙනා මාර්තු 06 වැනිදා දක්වා රක්ෂිත බන්ධනාගාරගත කරන ලෙස මහේස්ත්‍රාත්වරිය නියෝග කළාය.
