253
වැලිපැන්න පොලිස් වසමේ හොරවල ප්‍රදේශයේදී ඊයේ (28) රාත්‍රියේ තියුණු ආයුධවලින් කපා කොටා පුද්ගලයකු ඝාතනය කර තිබේ. මෙසේ ඝාතනයට ලක්ව ඇත්තේ වැලිපැන්න, හොරවල ප්‍රදේශයේ පදිංචිව සිටි මල්ලව ආරච්චිගේ තරිඳු ධනංජය නමැති 32 හැවිරිදි අයකු බව පොලිසිය පැවසීය.ප්‍රදේශයේ කොටහළු උත්සවයකදී පැවතී පැරණි කෝන්තරයක් සම්බන්ධයෙන් ඇති වූ කතාබහක් දුරදිග යෑමෙන් පහරදීම සිදුව ඇති බවට මෙතෙක් කළ පරීක්ෂණවලදී තහවුරු ඇතැයි පොලිසිය සඳහන් කරයි. ඝාතනය සිදු කළ බවට සැකකරන පුද්ගලයා හඳුනාගෙන ඇති බවත්, ප්‍රදේශය හැරගොස් සිටින සැකකරු කඩිනමින් අත්අඩංගුවට ගැනීමට පියවර ගන්නා බවත් පොලිසිය සදහන් කරයි. වැලිපැන්න ස්ථානාධිපති (ප්‍ර.පො.ප) චාමින්ද ද සිල්වා මහතාගේ ප්‍රධානත්වයෙන් අපරාධ අංශ නිලධාරීහු පරීක්ෂණ පවත්වති.
