මුන්දලම පුලිච්චාකුලම දුම්රිය හරස් මාර්ගයෙදී යතුරු පැදියක ගමන් ගනිමින් සිටි තරුණයකු දුම්රියේ ගැටීමේන් මරණයට පත් වීමේ සිද්ධිය මුල් කර ගනිමින් ඇතිවූ සිද්ධියෙන් පසු 500කට අධික පිරිසක් දුම්රිය ගමන් නවතාලමින් පැවැති විරෝධය හේතුවෙන් ඊයේ (28) දින සවස දුම්රිය ගමන පැයකට ආසන්න කාලයක් නැවැතී ගිය බව මුන්දලම පොලිසිය කියයි.
මෙම පුලිච්චාකුලම අනාරක්ෂිත දුම්රිය හරස් මාර්ගයේදී යතුරු පැදිය අනාරක්ෂිත අයුරින් ධාවනය කරමින් සිටි එම ප්‍රදේශයේම තරුණයකු වන අස්වර් මොහොමඩ් අස්ලාන් නමැති 19 හැවිරිදි තරුණයකු එම ස්ථානයේදීම මරණයට පත්වූ බව මුන්දලම පොලිසිය කියයි.
කොළඹ කොටුවේ සිට දහවල් 11.55 ට පුත්තලම බලා එමින් සිටි අංක 8417 දරන දුම්රියේ සවස 3.30ට පමන පුලිච්චාකුලම අනාරක්ෂිත දුම්රිය හරස් මාර්ගයේදී යතුරු පැදියෙන් පුලිච්චාකුලම නගරයට පැමිණෙමින් සිටි තරුණයකු ගැටි තිබූ අතර අනතුරින් තරුණයා මීටර් 100කට අධික දුරක්
මියගිය තරුණයා
ඇදි ගොස් එම ස්ථානයේදීම මරණයට පත්ව තිබූ බව පොලිසිය කියයි.
පුලිච්චාකුලම අනාරක්ෂිත දුම්රිය හරස් මාර්ගයේ තරුණයා බිලි වූ මෙම දුම්රියටම පසුගිය 19 දින ආරච්චිකට්ටුව මයියාව දුම්රිය හරස් මාර්ගයෙදී මවක් හා දරු දෙදෙනා ගැටී එම ස්ථානයේදීම මරණයට පත්ව තිබුණි.
අනතුරින් පසු අදාළ දුම්රිය නැවත පුත්තලම බලා ගමන් කර තිබූ අතර පුත්තලමේ සිට කාර්යාල සේවකයන් රැගෙන කොළඹ බලා ගමන් ගනිමින් සිටිය දී තරුණයා අනතුරට ලක්වූ ස්ථානයේදීම දුම්රිය මාර්ගය හරස් කරමින් මෙසේ 500කට ආසන්න පිරිසක් දුම්රිය මාර්ගය වසා විරෝධතාවක නිරත වීමත් සමඟ දුම්රිය නවතා දැමීමට රියදුරු කටයුතු කර තිබුණි.
මෙම විරෝධතාව පැයකට ආසන්න කාලයක් පැවැතිමත් සමඟ එම ස්ථානයට ඒ වන විටත් පැමිණ සිටි මුන්දලම පොලිස්ථානාධිපති ප්‍රධාන පොලිස් පරික්ෂක අසිත ලක්රුවන් මහතා හා නිලධාරීන් පිරිස විරෝධතාකරුවන් සමඟ සාකච්ජාවක නිරත වෙමින් දුම්රිය මාර්ගය නිදහස් කර ගැනීමට උත්සහ ගෙන තිබුණත් ඒ සඳහා විරෝධතාකරුවන් එම ස්ථානයෙන් ඉවත් කිරීමට නොහැකි වී තිබුණි. පසුව මෙම තත්ත්වය දුම්රිය දෙපාර්තුමේන්තුවේ ඉහළ නිලධාරීන් දුරකථනයෙන් සම්බන්ධ කර ගත් මුන්දලම පොලිස්ථානාධිපතිවරයා දුම්රිය බලධාරීන් ලබා දුන් පොරෝන්දුව වූ මේ වන විට අක්‍රියව ඇති දුරකථන සංඥා යථා තත්ත්වයට පත් කරන තුරු ආරක්ෂිත උණ බම්බු ගෙට්ටු සමඟ මුරකරුවන් යොදවන තොරතුර දැන්වීය.
පොලිස්ථානාධිපතිවරයා ලබා දුන් පොරෝන්දුව මත විරෝධතාකරුවන් එම ස්ථානයෙන් ඉවත්ව යාම සිදු විණි.
ඉන් පසුව විරෝධතාකරුවන් විසින් මඟ අහුරමින් නවතා තිබු අංක 8417 දුම්රිය කොළඹ බලා ගමන් ආරම්භ කරනු ලැබීය.
අනතුරින් මරණයට පත්වූ තරුණයාගේ සිරුර මුන්දලම රෝහලට රැගෙන යාමෙන් පසු පශ්චාත් මරණ පරික්ෂණයට පුත්තලම මූලික රෝහල වෙත රැගෙන යෑමට කටයුතු කර තිබිණි.
දුම්රියේ ගැටුණු යතුරුපැදිය
