121
කුලියාපිටිය, ඇතුන්ගහකොටුව මුස්ලිම් මධ්‍ය මහා විද්‍යාලයේ සිසුවියන් වෙනුවෙන් එම විද්‍යාලයීය ඉතිහාසයේ ප්‍රථම වතාවට දැල්පන්දු පුහුණු කඳවුරක් පසුගියදා එම විද්‍යාලයේ ක්‍රීඩාංගණයේදී පැවැත්වීය.
විදුහලේ සියලුම ශිෂ්‍යාවන්ගේ සහභාගීත්වයෙන් පැවැති මෙම පුහුණු කඳවුර එදින දවස පුරාම පැවැති අතර, කුරුණෑගල දිස්ත්‍රික් ලේකම් කාර්යාලයේ ක්‍රීඩා අංශයේ දිස්ත්‍රික් දැල්පන්දු පුහුණුකරු ජේ. ඒ. එච්. සන්ධ්‍යා කන්දෙපොළ මහත්මිය මෙම පුහුණු වැඩසටහන මෙහෙයවූවාය. වැඩසටහන සඳහා විද්‍යාලයේ විදුහල්පති එම්. ආර්. එම්. රිෆ්කාන් මහතා, ක්‍රීඩා පුහුණුකරු සමිත එදිරිසිංහ මහතා ඇතුළු ගුරුවරුන් හා මවුපියන්ගේ සහාය ලැබී තිබේ.
