231
හලාවත කොළඹ මාර්ගයේ පෞද්ගලික බස් රථ වර්ජනයක් හේතුවෙන් මඟින් දැඩි අපහසුතාවයට පත්විණි. ඊයේ (28) පෙරවරුවේ මේ වර්ජනය ආරම්භ කැරිණි.
මේ වර්ජනයට සහය පළ කරමින් පුත්තලම කොළඹ පෞද්ගලික බස් රථ ද ඊයේ දිනයේ ධාවනයෙන් ඉවත්වූ බව සීමාසහිත හලාවත මගී ප්‍රවාහන සංගමයේ සභාපති චමින්ද හැන්සා මහතා පැවසීය.
මන්නාරම කොළඹ බස් රථයක් හා හලාවත කොළඹ බස් රථයක රියැදුරන් හා කොන්දොස්තරවරුන් අතර ඇතිවූ ආරවුලකින් පසු මාදම්පේ පොලිසිය හලාවත කොළඹ බස් රථයක කොන්දොස්තරවරයෙකු අත්අඩංගුවට ගැනීමත් සමඟ මේ වර්ජනය ආරම්භ කර ඇත.
වර්ජනයේ නිරත සේවකයන් පවසන්නේ දුර ගමන් සේවා බස් රථවලට රටේ නීතිරීති බලනොපාන බවයි. ඔවුන් ප්‍රමාණයට වඩා මඟින් පටවා ගෙන යන අතර, ඒ සඳහා නීතිය ක්‍රියාත්මක නොවන බව ද පැවසීය.
