107
නවගමුව දකුණ සමුපකාර මාවතේ පදිංචි කෝටිපති ව්‍යාපාරිකයෙකුගේ නි‍ෙවසට බදාදා රාත්‍රි 11.30ට පමණ ඇතුළු වූ සන්නද්ධ පුද්ගලයින් තිදෙනෙක් ව්‍යාපාරිකයාගේ හිසට තියුණු ආයුධයකින් පහරදී නි‍ෙවසේ තිබූ පවුම් හතක් පමණ වටිනා රන් ආභරණ කොල්ලකා පලා ගොස් ඇත.
බරපතළ තුවාල ලැබූ ව්‍යාපාරිකයා කොළඹ ජාතික රෝහලට ඇතුළත් කොට ඇත. ව්‍යාපාරිකයාගේ බිරිඳ මේ පිළිබඳ නවගමුව පොලිසියට කරන ලද පැමිණිල්ලකට අනුව පරීක්ෂණ අරඹා තිබේ. මොවුන් මෙම කොල්ලයෙන් පසු යතුරුපැදියකින් පලා ගොස් ඇත.
මේ වනතෙක් කිසිවෙකුත් අත්අඩංගුවට ගෙන නැති අතර නවගමුව පොලිස් ස්ථානාධිපති ලයනල් සේනානායක මහතා ඇතුළු නිලධාරීහු පරීක්ෂණ මෙහෙයවති.
