ජාතික වශයෙන් මෙන්ම ජාත්‍යන්තරවද කීර්තියට පත් ප්‍රවීණ කලාකරු විමල් වික්‍රමසුරේන්ද්‍ර මහතා අභාවප්‍රාප්ත විය. ශ්‍රී ලංකා පාර්ලිමේන්තුවේ සභා ගැබේ පිවිසුම් දොරටුවේ මනස්කාන්ත පිත්තල කැටයම මෙන්ම සභා ගැබේ ඇති සියලුම කැටයම් ඔහුගේ නිර්මාණයන්ය. මෙරට රාජ්‍ය නායකයන් රැසක් නිර්මාණකරණයේදී ඔහු සමීපව ඇසුරු කොට ඇති අතර ඉන් කීප දෙනකු ඔහුගේ කළුතර නිවසටද පැමිණ ඇත.
මෙරට පළාත් සභා කීපයකම සෙන්කෝල ඔහුගේ නිර්මාණයන්‍ ය. ඒ නිසාම ඔහුගේ නිවස “සෙන්කෝල ගෙදර ” ලෙස හැඳින්වීමට කළුතර ජනතාව පුරුදුවී සිටියහ. ඔහු පදිංචිව සිටි කළුතර නිවස වචනයේ පරිසමාප්ත අර්ථයෙන්ම කලාගාරයකි. මෙරට කලාකරුවන් සඳහා පිදෙන සෑම සම්මානයකින්ම ඔහු පිදුම් ලබා තිබුණි.
විමල් වික්‍රමසුරේන්ද්‍ර මහතාගේ දේහය කළුතර දූව පංසල පාරේ පිහිටි ඒ මහතාගේ නිවසේ තැන්පත් කර ඇති අතර අවසන් කටයුතු අද (18) සවස 6.00 ට වස්කඩුව ආදාහනාගාරයේදී සිදු කෙරේ.
