ඌරගස්මන්හන්දිය යටගල මහා විද්‍යාලයේ කාර්යාලයේ ඉබි යතුරු කඩා දමා එහි තිබූ විදුහලේ ආලේප කිරීමට ගෙනැවිත් තිබූ තීන්ත ඇතුළු භාණ්ඩ තොගයක් සොරාගෙන ගොස් ඇති බවට පෙරේදා (17) පැමිණිල්ලක් ලැබී ඇතැයි ඌරගස්මන්හන්දිය පොලිසිය සඳහන් කරයි.
සොරාගෙන ගිය භාණ්ඩ අතර ශබ්ද විකාශන යන්ත්‍රයේ ඈම්ප් එක, බෆල් දෙකක් සහ ලීටර් හතරේ තීන්ත ටින් පහක් තිබී ඇති බවද පොලිසිය පවසයි.
පසුගිය සිකුරාදා මෙම විදුහලේ නිවාසාන්තර ක්‍රීඩා තරගය පවත්වා ඇති අතර එදින රාත්‍රියේ හෝ පසුදින රාත්‍රියේ මෙම සොරකම සිදුකර ඇතැයි යටගල මහා විද්‍යාලයේ විදුහල්පතිවරයා පෙරේදා (17) ඌරගස්මන්හන්දිය පොලිසියට පැමිණිලි කර ඇත.
සොරකම සම්බන්ධයෙන් ඇඟිලි සලකුණු සටහන් වාර්තා ගැනීමට කටයුතු යොදා ඇති බව ද පොලිසිය පැවසීය. ඌරගස්මන්හන්දිය පොලිසිය වැඩිදුර පරීක්ෂණ සිදු කරයි.
