ක්‍රීඩා රැසක දස්කම්පෑ දැරිය ජාතික මට්මේ තරග ජයග්‍රාහිකාවක්
අනුරාධපුර නගරයේ ප්‍රසිද්ධ පාසලක 9 වන ශ්‍රේණියේ අධ්‍යාපනය ලබන 14 හැවිරිදි බාල වයස්කාර පාසල් සිසුවියක කලක සිට වරින් වර රංචු ගැසී දූෂණය කිරීමේ සිද්ධියක් සම්බන්ධයෙන් සැකපිට අත්අඩංගුවට ගෙන අධිකරණ හමුවට ඉදිරිපත් කළ කරණවෑමියෙකු සහ තවත් සැකකරුවෙකු මේ මස 28 වන දින දක්වා රිමාන්ඩ් බන්ධනාගාරගත කරන ලෙස අනුරාධපුර ප්‍රධාන මහේස්ත්‍රාත් සහ අතිරේක දිසා විනිසුරු නාලක සංජීව ජයසූරිය මහතා නියෝග කළේය.
මෙසේ රිමාන්ඩ් භාරයට පත්වූයේ අනුරාධපුර යාපනය හංදිය රත්නසිරි සැලූන්හී ප්‍රධාන කරණවෑමියා වන 57 හැවිරිදි ඩී. එම්. තිලකරත්න සහ අනුරාධපුර මිහින්තලේ පාර කොහිලකොටුව ලිපිනයේ අනිල් පියරත්න යන සැකකරුචෝය.
සැකකරුවන් අධිකරණයට ඉදිරිපත් කරමින් අනුරාධපුර මූලස්ථාන පොලිසියේ ළමා හා කාන්තා කාර්යාංශයේ උප පොලිස් පරික්ෂක ඒ. සී. දයානන්ද මහතා පැවසුවේ 14 හැවිරිදි බාල වයස්කාර පාසල් සිසුවියක පුද්ගලයන් පිරිසක් වරින් වර දූෂණය කරන බවට ලද තොරතුරකට අනුව වින්දිත දැරිය පොලිස් භාරයට ගෙන ඇයගෙන් ලබාගත් ප්‍රකාශ ඔස්සේ මූලික විමර්ශන මෙහෙයවා මෙම සැකකරුවන් දෙදෙනා අත්අඩංගුවට ගත් බවයි.
පළමු සැකකාර ඩී. එම්. තිලකරත්න නමැත්තාට අයත් යාපනය හංදියේ පිහිටි රත්නසිරි සැලූන්හී පිටුපස කාමරයක් තුළදී සැකකරුවන් මෙම අපරාධය සිදු කර ඇති බව පොලිස් විමර්ශනවලදී හෙළි විණැයි ද අධිකරණයට කියා සිටි උප පොලිස් පරීක්ෂකවරයා වරින් වර දැරිය දූෂණය කර ඇති තවත් සැකකරුවන් 11 දෙනෙකු අත්අඩංගුවට ගැනීමට සිටින බවත් ඔවුන් අත්අඩංගුවට ගැනීමට පොලිස් කණ්ඩායමක් මෙහෙයුමක් අරඹා ඇති බවත් එම සැකකරුවන් 11 දෙනාද නොපමාවා අත්අඩංගුවට ගෙන අධිකරණයට ඉදිරිපත් කරන බවත් කීය.
සැකකරුවන් විසින් බරපතළ ලෙස දූෂණය කර ඇති 14 හැවිරිදි දැරිය පොලිසියට ලබා දී ඇති ප්‍රකාශයේ සඳහන් වන්නේ මෙම සැකකරුවන් දෙදෙනාට අමතරව ඇය දූෂණය කළ අනෙකුත් සැකකරුවන් අතර, එක්තරා පොලිස් ස්ථානයක ළමා හා කාන්තා කාර්යංශයක සේවය කරන උප පොලිස් පරික්ෂකවරියකගේ 70 හැවිරිද පියකු ද සිටින බවයි.
මෙම සිසුවිය දැල්පන්දු හා පාපන්දු ල් ක්‍රිකට් සහ එල්ලේ පාසල් මට්ටමේ සහ ජාතික තරගවලට සහභාගි වී ජයග්‍රහණ හිමිකරගත් දැරියක බව පොලිස් විමර්ශනවලදී හෙළිව තිබේ. අනුරාධපුර කොට්ඨාස භාර ජ්‍යෙෂ්ඨ පොලිස් අධිකාරි තිළිණ හේවාපතිරණ මහතාගේ සෘජු අධීක්ෂණය යටතේ අනුරාධපුර මූලස්ථන ප්‍රධාන පොලිස් පරීක්ෂක ආර්. එම්. ජයවීර මහතාගේ උපදෙස් මත අනුරාධපුර කොට්ඨාස ළමා හා කාන්තා කාර්යාංශයේ ස්ථානාධිපතිනි ප්‍රධාන පොලිස් පරීක්ෂිකා චාමනී දිසානායක, අනුරාධපුර මූලස්ථාන පොලිසියේ ළමා හා කාන්තා කාර්යාංශයේ ස්ථානාධිපතිනි ප්‍රධාන පොලිස් පරීක්ෂිකා යමුනා කාන්ති, උප පොලිස් පරික්ෂක ධනපාල සහ සැරයන් වන (48342) රංජිත්, (69515) තිලකරත්න, (11742) නවරත්න යන මහත්වරුන් ඇතුළු නිලධාරීන් කණ්ඩායමක් අනෙකුත් සැකකරවරුන් 11 දෙනා අත්අඩංගුවට ගැනීම සඳහා විමර්ශන සිදු කරයි.
