වැල්ලම්පිටිය පොලිසියේ අපරාධ විමර්ශන අංශයේ නිලධාරීන් පිරිසක් අපරාධ නිවාරණ මෙහෙයුම් කටයුතුවල නිරතව සිටියදි මහමඟ ගමන් කරමින් සිටි සැක කටයුතු පුද්ගලයෙකු පරීක්ෂාවට ලක් කිරීමේ දී ඔහු සන්තකයේ තිබි අයිස් මත්ද්‍රව්‍ය මිලි ග්‍රෑම් 2200 ක් සොයා ගානිමට හැකි වි තිබේ.
සැකකරුගෙන් වැඩි දුරටත් සිදු කරන ලද ප්‍රශ්න කිරිම් වලදි නිවාස තුනක් බිද දේපළ සොරා ගැනිම් පිළිබඳව හෙළි වි තිබේ.
ඒ අනුව පෙබරවාරි මස 05 වැනිදා එක් නිවෙසක් ද පෙබරවාරි මස 27 වැනි දින නිවෙස් දෙකක් ද මෙලෙස කොල්ල කා ඇති බව අනාවරණය කරගෙන තිබේ. එලෙස කොල්ලකා විවිධ පුද්ගලයන්ට විකුණා සහ උකස් කර තිබු ලැප්ටොප් පරිගණක 2ක් ද ජංගම දුරකතන 2ක් ද සොයාගෙන ඇති අතර සැකකරුගේ පෙන්වා දීම පරිදි පිටකොටුවේ ත්‍රිවිලර් රථයක තිබී සොරා ගෙන ඇති ජංගම දුරකතනයක් ද සොයාගෙන ඇත.
ඔහු විසින් සොරකම් කරන භාණ්ඩ ඔහුගේ මව විසින් විවිධ පුද්ගලයන්ට උකස් කරන බව අනාවරණය වීම හේතුවෙන් මව ද අත්අඩංගුවට ගෙන තිබේ. 27 හැවිරිදි මෙම සැකකරු වසර තුනක පමණ කාලයක සිට වැල්ලම්පිටිය ප්‍රදේශයේ කුලී නිවාසවල ජීවත් වන බව ද පැවසේ.
සැකකරු සහ ඔහුගේ මව ද ඊයේ (18) දින අධිකරණය වෙත ඉදිරිපත් කිරීමට නියමිතව තිබුණි. වැල්ලම්පිටිය පොලිසියේ අපරාධ විමර්ශන අංශයේ ස්ථානාධිපති පොලිස් පරීක්ෂක ඉසුරු ශාමික මහතා ඇතුළු නිලධාරීහූ විමර්ශන කටයුතු සිදු කරගෙන යති.
