හිටපු සහ­කාර පොලිස් අධි­කාරි උඩු­ග­ම්පො­ළට එරෙහි නඩුවේ සාක්ෂි විභා­ගය අව­සන්

අතු­රු­ගි­රිය මිලේ­නි­යම් සිටි නිවාස සංකී­ර්ණයේ පව­ත්වා­ගෙන ගිය යුද හමුදා බුද්ධි අංශ­යට අයත් නිව­ස්න­යක් වැට­ලී­මෙන් රාජ්‍ය ආර­ක්ෂාව අන­තුරේ හෙළී­මට ක්‍රියා­කළ බවට මහ­නු­වර හිටපු සහ­කාර පොලිස් අධි­කාරි කුල­සිරි උඩු­ග­ම්පොළ මහ­තාට එරෙ­හිව කොළඹ මහා­ධි­ක­ර­ණයේ පනවා ඇති නඩුවේ සාක්ෂි විභා­ගය පෙරේදා (21) අව­සන් විය. කොළඹ මහා­ධි­ක­රණ විනි­සුරු ආදිත්‍ය පට­බැ­දිගේ මහතා ඉදි­රියේ විත්තිය සාක්ෂි විම­සීම සිදු විය. 2002 වසරේ ජන­වාරි 1 දා සහ 2002 සැප්තැ­ම්බර් 3 දා අතර කාලයේ දී කොළඹ අතු­රු­ගි­රිය, මහ­නු­වර සහ කඩු­ග­න්නාවේ දී හමුදා බුද්ධි අංශ නිල­ධා­රීන් අත්අ­ඩං­ගු­වට ගෙන යුද රහස් හෙළි­කි­රීම, ඔවුන් භාවිත කළ යුද උප­ක­රණ අත්අ­ඩං­ගු­වට ගෙන ඡායා­රුප ගත කිරීම සහ වීඩියෝ ගත කිරීම ඇතුළු අධි­චෝ­දනා යටතේ නීති­ප­ති­ව­රයා විසින් විත්ති­ක­රුට එරෙ­හිව නඩුව පවරා තිබේ. ලේඛන සංශෝ­ධන හා දේශන සඳහා නඩුව අප්‍රේල් 4දා කැඳ­වන බව මහා­ධි­ක­රණ විනි­සු­රු­ව­රයා නියම කළේය. ජ්‍යෙෂ්ඨ නියෝජ්‍ය සොලි­සි­ටර් ජන­රාල් සුද­ර්ශන ද සිල්වා මහතා නීති­ප­ති­ව­රයා වෙනු­වෙන් පැමි­ණිල්ල මෙහෙය වීය.