රාත්‍රී ආපන ශාලාවක තේ පානය කිරීමට ගොස් කඩ හිමි කතගේ දෙපා මැදින් ජංගම දුරකතනයක් තබා ජායාරූප ගත් බව කියන සැකකරුවකු අප්‍රේල් මස 03 වනදා දක්වා රිමාන්ඩ් භාරයේ රඳවා තැබීමට අත්තනගල්ල අංක 02 මහේස්ත්‍රාත් මංජුල කරුණාරත්න මහතා පෙරේදා (21) පස්වරුවේ නියෝග කළේය.
චමින්ද නිරෝෂණ නමැත්තෙකු එසේ රිමාන්ඩ් ෙකරිණි.
නිට්ටඹුව පොලිස් වසමේ පවත්වා ගෙන යන රාත්‍රී ආපන ශාලාවක තේ පානය කිරීම සඳහා ගොස් මුදලාලි නෝනා තේ පිළියෙල කරන අවස්ථාවේ ඇය හැඳ සිටි ඇඳුම යටින් ජංගම දුරකතනයක් උපයෝගී කර ගෙන රහස් පෙදෙස ජායාරූප ගෙන ඇති බව කියන සිද්ධියක් සම්බන්ධව නිට්ටඹුව පොලිසිය පරීක්ෂණ පවත්වා සැකකරු අත්අඩංගුවට ගෙන තිබිණ.
නිට්ටඹුව පොලිසියේ පොලිස් සැරයන් සමන්තිලක (32478) මහතා කරුණු දක්වමින් ඇගේ රහස් පෙදෙස ජායාරූප ගෙන ඇති බව පරීක්ෂණවලදී හෙළි වී ඇතැයි කියා සිටියේය.
පොලිසියේ කරුණු දැක්වීම්වලින් අනතුරුව එසේ සැකකරු රිමාන්ඩ් භාරයේ රඳවා තැබීමට නියෝග ෙකරිණි. නැවත කැඳවීම අප්‍රේල් මස 03 වැනිදාට කල් තැබිණ. නිට්ටඹුව පොලිසියේ පොලිස් සැරයන් සමන්තිලක (32478) මහතා පැමිණිල්ල මෙහෙය විය.
