මිතුරන් පිරිසක් සමඟ කළුතර මිල්ලගස් හන්දිය ප්රදේශයේ සංචාරක හෝටලයක පිහුනුම් තටාකයේ දියනාමින් සිටි පුද්ගලයකු පෙරේදා (21) පස්වරුවේ දියේ ගිලී මියගොස් ඇති බව කළුතර උතුර පොලිසිය පැවසීය.
මෙසේ මියගොස් ඇත්තේ පරගස්තොට කපුදූව ප්රදේශයේ පදිංචි 48 හැවිරිදි හිදෙල්පිටියගේ ප්රියන්ත නමැති පුද්ගලයෙකි. මියගිය පුද්ගලයා සිය මිතුරන් සමඟ අදාළ හෝටලයේ සාදයක් පවත්වා ඇති අතර, ඉන් අනතුරුව පිහිනුම් තටාකයේ දිය නෑමට ගොස් සිටියදී මෙලෙස දියේ ගිලී ඇති බවට දැනට සිදු කරන ලද විමර්ශනවලින් අනාවරණය වන බව කළුතර උතුර පොලිසිය සඳහන් කළේය.
මෘත ශරීරය පශ්චාත් මරණ පරීක්ෂණය සඳහා කළුතර නාගොඩ මහා රෝහලේ මෘත ශරීරාගාරයේ තැන්පත් කර ඇත. ස්ථානාධිපති ප්රධාන පොලිස් පරීක්ෂක දමිත් ජයතිලක මහතාගේ ප්රධානත්වයෙන් පරීක්ෂණ පවත්වයි.
පොතුපිටිය - සුමිත් ප්රේමතිලක, කළුතර මධ්යම සමූහ - සුනිල් ස්ටැන්ලි