අප්‍රේල් මාසය සඳහා වන ගෑස් මිල සංශෝධනයට අනුව ලිට්‍රෝ හා ලාෆ් ගෑස් මිල ඊයේ (01) සිට පහත දැමීමට එම සමාගම් පියවර ගෙන තිබේ.
ඒ අනුව කිලෝග්‍රෑම් 12.5ක් වන ගෘහස්ථ ලිට්‍රෝ ගෑස් සිලින්ඩරයක් රුපියල් 135 කින් පහත දමා ඇති අතර එහි නව මිල රුපියල් 4115ක් වේ.
කිලෝග්‍රෑම් 5ක සිලින්ඩරයක මිල රුපියල් 55කින් අඩු කර ඇති අතර එහි නව මිල රුපියල් 1,652කි. කිලෝග්‍රෑම් 2.3ක සිලින්ඩරයක මිල රුපියල් 23කින් අඩු කර ඇති අතර එහි නව මිල රුපියල් 772කි.
මේ අතර ලාෆ් ගෑස් 12.5 සිලින්ඩරයක මිල රුපියල් 625 කින් අඩු කර ඇති අතර එහි නව මිල 4111ක් වේ.
කිලෝග්‍රෑම් 5 ලාෆ්ස් ගෑස් සිලින්ඩරයක මිල රුපියල් 248 කින් අඩු කර තිබෙන අතර එහි නව මිල රුපියල් 1652 ක් වේ.
මින් පෙර වෙළෙඳසල්වල ලිට්‍රෝ ගෑස් සිලින්ඩරයක් රුපියල් 4250කටත් කිලෝග්‍රෑම් 5 සිලින්ඩරයක් රුපියල් 1707ක් පැවැතිණි.
ලාෆ් ගෑස් 12.5 සිලින්ඩරයක් 4736ක් ලෙසත් කිලෝග්‍රෑම් 5 සිලින්ඩරයක් 1900 කට අලෙවි කෙරිණි.
