ෆින්ලන්තයේ පාසලක වෙඩි තැබීමක්

ෆින්ලන්තයේ වැන්ටා නුවර ප්‍රාථමික පාසලක සිදු වු වෙඩි තැබීමකින් 12 හැවිරිදි සිසුන් තිදෙනකු තුවාල ලබා ඇතැයි විදෙස් මාධ්‍ය වාර්තා කළේය. ඊයේ පෙරවරු මේ වෙඩි තැබීම සිදු වී ඇති අතර, අත්අඩංගුවට ගත් සැකකරු ද එම පාසලේහිම 12 හැවිරිදි සිසුවකු බව වාර්තා වේ. වෙඩි තැබීම සිදු වී ඇත්තේ හෙල්සින්කි අගනුවරට තදාසන්න ප්‍රදේශයක් වන වැන්ටා නුවර වියටෝලා පාසල නමැති සිසුන් 800ක් ඉගෙනුම ලබන පාසලකදීය. තුවාල ලැබූ සිසුන් තිදෙනා රෝහල්ගත කර අතර, ඔවුන්ගේ තත්ත්වය බරපතළ නොවන බව ද වාර්තා වේ.