169
වැලිගම අලුත්වීදියේ පිහිටි නි‍ෙවසකට පෙරේදා (07) දහවල් කාලයේ කඩාවැදුණු සොරකු නි‍ෙවසේ අල්මාරියක තිබුණු රුපියල් ලක්ෂ 65කට අධික වටිනාකමක් ඇති රන් භාණ්ඩ සොරාගෙන ගොස් ඇත.
නි‍ෙවසේ වහලයේ උළු ගලවා නි‍ෙවසට ඇතුළු වී මෙම සොරකම සිදුකර ඇතැයි වැලිගම පොලිසිය කියයි.
රන් වළලු 04ක්, රන් බිස්කට් 01ක්, අත්පලඳනා 01ක්, මාල 02ක්, මුදු 04ක්, කරාබු ජෝඩු 02ක් මෙසේ සොරාගෙන ගොස් ඇත.
නිවෙස් හිමියා රන් භාණ්ඩ අලෙවිසලක සේවකයකු බව පොලිසිය කියයි. සිය දියණිවරුන් වෙනුවෙන් විටෙන් විට මිල දී ගත් රන් භාණ්ඩ මෙසේ සොරාගෙන ගොස් ඇති බව නිවෙස් හිමියා පොලිසියට පවසා ඇත.
නි‍ෙවසේ කිසිවකු නොසිටි වේලාවක මෙම සොරකම සිදුකර ඇති බව පොලිසිය කියයි.
