තීරුබදු නොගෙවා හොර රහසේ නීති විරෝධි ලෙස මෙරටට රැගෙන ආ රුපියල් කෝටි 5ක් වටිනා ජංගම දුරකතන 1081ක් හා පෙන් ඩ්‍රයිව් 200ක් සමඟ ගුවන් මගීන් දෙදෙනකු අපරාධ පරීක්ෂණ දෙපාර්තමේන්තුවේ ගුවන්තොටුපොළ ඒකකයේ නිලධාරීන් විසින් ඊයේ (17) උදෑසන අත්අඩංගුවට ගනු ලැබ ඇත.
ඩුබායි සිට මේ ජංගම දුරකතන හා පෙන් ඩ්‍රයිව් රැගෙන විත් ඇත්තේ මන් මලු තුළ ඉතා සූක්ෂ්මව සඟවාගෙනය. මේ සැකකරුවන් දෙදෙනා වයස අවුරුදු 24 හා 59 යන වයස්වල පසු වන කොළඹ 12 සහ 14 පදිංචිකරුවෝය. ඔවුන් දෙදෙනා ඩුබායි සිට ශ්‍රී ලන්කන් ගුවන් සේවයේ යූ.එල්. 226 දරන ගුවන් යානයෙන් කටුනායක ගුවන් තොටුපොළ වෙත අලුයම 04.55ට පැමිණ තිබිණි.
මේ සැකකරුවන් අවස්ථා කිහිපයකදීම ඩුබායි ගොස් ඇති අය බව පෙනී ගොස් තිබේ. ඔවුන් දෙදෙනා එම භාණ්ඩද සමඟ රේගුවට භාර දී ඇතැයි පොලිස් මාධ්‍ය ප්‍රකාශක කාර්යාලය සඳහන් කළේය.
