මෙවර අධ්යයන පොදු සහතික පත්ර සාමාන්ය පෙළ විභාගයට මුහුණදුන් දිඹුලාගල අධ්යාපන කලාපයට අයත් ලීලාරත්න විජේසිංහ මහා විද්යාලයේ සිසු දරු දැරියන් පිරිසක් ඊයේ (15) විභාගය අවසන් වූ දිනයේ විභාග කාර්ය මණ්ඩලයට වැඳ නමස්කාර කිරීමෙන් පසු තම විද්යාලය ඉදිරිපිට ප්රධාන ගේට්ටුව අසලට පැමිණ එම ගේට්ටුවේ මල් කලඹක් එල්ලා පාසලට නමස්කාරය කරමින් සමස්ත පාසල් සිසුන්ට ආදර්ශයක් ලබාදුන්නේය.
පොලොන්නරුව දිඹුලාගල ලීලාරත්න විජේසිංහ මහා විද්යාලයේ සිසු දරු දැරියන් මෙවර 76 දෙනෙක් අධ්යයන පොදු සහතික
පත්ර සාමාන්ය පෙළ විභාගයට මුහුණ දුන්හ.
විභාගය අවසන් වීමෙන් අනතුරුව විභාග කාර්ය මණ්ඩලයට, මල් කලඹ දී වැඳ නමස්කාර කරමින් පිටව ගොස් ප්රධාන ගේට්ටුව අසල එම මල් කලඹ දවටා පාසල් ගීතය ද වාදනය කරමින් තමන් අධ්යාපනය ලැබූ පාසලට වැඳ නමස්කාර කිරීමට දූ දරුවන් කෘතගුණ වූ බව ලීලාරත්න විජේසිංහ මහා විද්යාලයේ විදුහල්පති බී.ඒ. අබේසිංහ බණ්ඩාර මහතා සඳහන් කළේය.
වසර ගණනාවක් තමන්ට අධ්යාපනය ලබාදුන් පාසලක් හැටියටත් එම කාලය පුරා තමන්ට ගුරුහරුකම් ලබාදුන් සියලු ගුරුවරුන්ට මෙන්ම අවසාන වශයෙන් සාමාන්ය පෙළ විභාගය සඳහා මුහුණ දීමට උදවු උපකාර කළ සහ ගුරුහරුකම් ලබාදුන් සියලු විභාග කාර්ය මණ්ඩලයට වැඳ නමස්කාර කිරීම තමන්ගේ යුතුකමක් බව පවසමින්, පාසල දෙසට මල් කලඹ දිගු කර දණ ගසා, වැඳ නමස්කාර කර, නැවත උසස් අධ්යාපනය කිරීම සඳහා පාසලට පැමිණෙන බවට පවසා සාමාන්ය පෙළ විභාගයට මුහුණ දුන් සිසුන් පිටව යෑම ද විශේෂත්වයකි.
සිරිපුර - මදුශානි අබේසිංහ
