216
බ්රිතාන්ය අගමැති රිෂී සුනාක්ගේ සහ බිරිය අක්ෂටා මූර්තිගේ වත්කම පවුම් මිලියන 651 දක්වා ඉහළ ගොස් ඇතැයි එරට ‘සන්ඩේ ටයිම්ස්’ ධනවතුන්ගේ ලැයිස්තුවේ සඳහන් වන බව විදෙස් මාධ්ය වාර්තා කළේය. ඒ අනුව අගමැතිවරයා බ්රිතාන්යයේ වඩාත්ම ධනවත් පුද්ගලයන්ගේ වාර්ෂික ලැයිස්තුවේ චාල්ස් රජුටත් වඩා ඉදිරියෙන් සිටින බව ද වැඩිදුරටත් වාර්තා වේ. පසුගිය වසරේදී අගමැතිවරයා සහ බිරිය පවුම් මිලියන 122ක් උපයා ඇතැයි ද වාර්තා වේ.
අගමැතිවරයාගේ වත්කම ඉහළ ගොස් ඇත්තේ බිරිය අක්ෂටාගේ පියා වන නාරායන මූර්තිගේ ඉන්ෆෝසිස් නමැති තොරතුරු තාක්ෂණ සමාගමේ කොටස් හිමිකාරීත්වය හේතුවෙන් බව ද වාර්තා වේ. පසුගිය වසරේ ප්රකාශයට පත් කරනු ලැබූ 2022 වසරේ ලැයිස්තුවට අනුව චාලස් රජු අගමැතිවරයාට වඩා ඉදිරියෙන් සිටියද මේ වන විට ඔහුගේ වත්කම පවුම් මිලියන 610ක් පමණක් බව ද එරට මාධ්ය සඳහන් කළේය.
