117
පොල්ගස්ඕවිට වෙනිවැල්කොළ ශ්රී සුදර්ශනාරාම පුරාණ විහාරයේ අභිනව චෛත්ය රාජයාණන් වහන්සේගේ කොත නිරාවරණය කිරීමේ පුණ්ය මහෝත්සවය සෙනසුරාදා (25) සිදු කිරීමට නියමිතය.
ඉකුත් සෙනසුරාදා (18) මේ නිමිති කරගත් ආගමික වැඩසටහන් මාලාව ආරම්භ වූ අතර, චෛත්ය රාජයාණන් වහන්සේගේ කොත නිරාවරණය කිරීමේ පුණ්ය මහොත්සවය 25 සෙනසුරාදා අපරභාග 2.30ට එළඹෙන සුබ මොහොතින් සිදු කිරීමට දායකයන් ඇතුළු ගම්වාසීන් කටයුතු යොදා ඇත.
මහාවිහාර වංශික ස්යාමෝපාලි මහා නිකායේ මල්වතු මහා විහාර පාර්ශ්වීය අනුනායක දිඹුල්කුඹුරේ ශ්රී සරණංකර විමලධම්ම අනුනාහිමි, කොළඹ මාලිගාකන්ද විද්යොදය පරිවේණාධිපති රාජකීය පණ්ඩිත බළන්ගොඩ සෝභිත නාහිමි ප්රධාන මහසඟරුවන සහ මහනුවර ශ්රී දළදා මාළිගාවෙහි දියවඩන නිලමේ ප්රදීප් නිලංග දෑල මහතාද මේ සඳහා සහභාගි වීමට නියමිය.
