ජාත්‍යන්තර සිංහ සමාජයේ මෙරට ශාඛාවක් වන 306 A1 දිස්ත්‍රික් ශාඛාව විසින් Òසමාජයට දක්වන සුවිශේෂී දායකත්වයÓ යන තේමාව යටතේ ශ්‍රී ලංකාවට සුවිශේෂී මෙහෙයන්, අමිල සේවාවන් හෝ ක්‍රියාවන් සිදු කළ පුද්ගලයන් සහ සංවිධාන හඳුනාගෙන ඔවුන් ඇගැයීමට මෙන්ම මෙම වසරේ විශිෂ්ටතම පුරවැසියාට හිමි ගෞරව සම්මානය ප්‍රදානය කෙරේ. ඒ අනුව මහාචාර්ය වීරසිංහයන් විසින් මෙරට සමාජයට සහ එහි ප්‍රජාවට ලබාදුන් සුවිශේෂී බලපෑම සහ තිරසර දායකත්වය වෙනුවෙන් මෙම ගෞරව සම්මානය මහාචාර්ය වීරසිංහයන් වෙත පිරිනමා ඇත. මහාචාර්ය ඊ. ඒ. වීරසිංහ මහතා ශ්‍රී ලංකාවේ උසස් අධ්‍යාපන ක්ෂේත්‍රය තුළ නවමු වෙනසක් ඇති කළ පරමාදර්ශී නායකයෙක් ලෙස හඳුන්වාදිය හැකියි. ඔහුගේ දීර්ඝ වෘත්තීය ගමනේ මුල් අවධියෙහි වසර ගණනාවක්ම ඔහු ශ්‍රී ජයවර්ධනපුර විශ්වවිද්‍යාලයේ සේවය කළ අතර ඔහු එහි ජ්‍යෙෂ්ඨ කථිකාචාර්යවරයෙක් ලෙස සහ අධ්‍යයනාංශ ප්‍රධානීවරයෙක් ලෙස ද සේවය කර ඇත. 2005දී NIBM හි අධ්‍යක්ෂ ජනරාල්වරයා ලෙස පත්වීමෙන් අනතුරුව ඔහුගේ නායකත්වයෙන් එවකට මෙහෙයුම් අලාභයට පත්ව තිබූ එම ආයතනය වසර පහක් වැනි කෙටි කාලයකින් ලාභ ලබන ආයතනයක තත්ත්වයකට පත් කළේය. එසේම දිවයින පුරා විසිරී සිටින දරුවන්ගේ ප්‍රගමනය උදෙසා NIBM ප්‍රාදේශීය ශාඛා ජාලය සංවර්ධනය කළ අතර ගාල්ල සහ මාතර නගර කේන්ද්‍ර කර නව ශාඛා දෙකක් ද විවෘත කළේය. ඉන් අනතුරුව, මෙරට අධ්‍යාපන තලය වෙනස්ම මඟකට යොමු කළ දූරදර්ශී සංකල්පයකට පුරෝගාමී වෙමින් 2016දී මහාචාර්ය වීරසිංහයන් NSBM හරිත සරසවිය මෙරටට තිළිණ කිරීමට මූලිකත්වය ගත්තේය. එතැන් පටන් NSBM හරිත සරසවියේ නියමුවන් ලෙස එය මෙහෙය වීමෙහිලා මහාචාර්ය වීරසිංහ මහතාගේ භූමිකාව හරහා මේ වනවිට දස දහස් සංඛ්‍යාත සිසුන්ට සිය අභිලාසයන් ජයග්‍රහණ බවට පත් කිරීමට ඉවහල් වී ඇත. එතුමන් තිළිණ කළ NSBM හරිත සරසවිය ස්වයං මූල්‍ය ලෙස මෙහෙයුම් පවත්වා ගෙන දේශීය ආර්ථිකය ශක්තිමත් කිරීමට උපාධි පරපුරක් දායාද කර ජාතියට දැවැන්ත සේවයක් සපයයි. මේ වන විට 18,000කට වඩා වැඩි උපාධිධාරීන් ප්‍රමාණයක් NSBM හරහා බිහිවී ඇති අතර, දැනට ද සිසුන් 13,000කට අධික සංඛ්‍යාවකට අධ්‍යාපනය ලබා දෙයි. එබැවින් මෙම ගෞරව සම්මානය මහාචාර්ය වීරසිංහයන් අධ්‍යාපනයට සහ සමාජ ප්‍රගතියට දැක්වූ නොසැලෙන කැපවීම, දුරදක්නා චින්තන සහ ඉමහත් දායකත්වය සම්භාවනාවට පාත්‍ර කරයි.
