ඉන්දියාවේ ජම්මු කාශ්මීර් ප්‍රාන්තයේ හින්දු බැතිමතුන් පිරිසක් රැගත් බස් රථයකට එල්ල වූ බව කියන සැක කටයුතු ප්‍රහාරයකින් පුද්ගලයන් 9 දෙනකු ජීවිතක්ෂයට පත් වී ඇතැයි ද, තවත් පුද්ගලයන් 33 දෙනකු තුවාල ලබා ඇතැයි ද විදෙස් මාධ්‍ය වාර්තා කළේය. එම ප්‍රහාරයත් සමඟ රියැදුරුට බස් රථය පාලනය කිරීමට නොහැකිවීමෙන් එය ප්‍රපාතයකට පෙරළි ගොස් ඇතැයි ද විදෙස් මාධ්‍ය වැඩිදුරටත් වාර්තා කළේය.
ප්‍රහාරය එල්ල වී ඇත්තේ බස් රථය ජම්මු කාශ්මීර් ප්‍රාන්තයේ පිහිටි සුප්‍රකට හින්දු දේවස්ථානයක් වන විෂ්ණු දේවි කෝවිල වෙත ගමන් කරමින් සිටියදීය. මේ ප්‍රහාරයේ වගකීම මෙතෙක් කිසිදු පාර්ශ්වයක් භාරගෙන නැති අතර, දිස්ත්‍රික් පොලිස් ප්‍රධානියා රොයිටර් පුවත් සේවයට ප්‍රකාශ කර ඇත්තේ එය යම්කිසි ආයුධ සන්නද්ධ කණ්ඩායමක් සැඟවී සිටි කරනු ලැබු ප්‍රහාරයක් බවය.
